டயானா 'அறிந்ததும் அனுபவமும்'

பிரம்மன் படைத்த ''பிரப்பம் பழம்'' !

2011-11-19T10:16:00.000-08:00

என்னடா கேள்வியே படாத பழமாக இருக்கு ?? என்பவர்களுக்காக மட்டும் இந்தப்பதிவு.

நானும் முதலில் கேட்டபோது என்னது ????????? என்ன பழம்? என்று ஒன்றுக்கும் இரண்டு தடவைகள் கேட்டு உறுதிப்படுத்திக் கொண்டேன்.

ஆம்! பிரப்பம் பழம் தான்

நடந்தது இது தான் ? வழமை போல் முகாமைத்துவ கூட்டம் ஒன்றுக்காக தலைமைக் காரியாலயத்துக்கு வேனில் போய்க்கொண்டிருக்கையில்.......... பெருங்குடல் சிறுகுடலை விழுங்குமளவிற்கு பெரும் பசி.

சாப்பிட யாரிடமாவது ஏதாவது இருக்குமா என்ற கேள்விக்கு எங்கள் வானொலி ஒலிப்பொறியியலாளர் -நண்பன் பிரஜீவ் நீட்டிய பழம் தான் இது. (மட்டக்களப்பில் இப்பழம் கிடைக்கிறதாம்)

பெயர் மட்டும் அல்ல பார்க்கவும் கொஞ்சம் வித்தியாசமாகவே இருக்கவே ...... அதை எப்படி சாப்பிடுவது என்று தெரியாமல் முழித்துக் கொண்டிருந்தேன்.... பின்னர் பிரஜீவ் அந்த தோலை நீக்கிப்போட்டு உள்ள இருக்கும் பழத்தை மட்டும் சாப்பிடுங்க என்று சொல்லிவிட்டு... சாப்பிட

விருப்பமில்லாட்டி திருப்பித் தாங்க ஏனன்டா ... இது சரியான விலை என்ற அவருடைய பத்திரப்படுத்தல் வார்த்தையை கேட்டு உள்ளுக்குள் சிரித்தபடியே ... ஒரு சிறு கடி கடித்துப் பார்த்தேன் .......

முகம் முதலில் அஷ்ட கோணலானது......... அந்தளவுக்கு புளிப்போ புளிப்பு.......... என்றாலும் சமாளித்தபடியே சாப்பிடப் பழகிக்கொண்டேன்...

''கல்சியம்பலா'' சாப்பிட்ட அனுபவத்தை இதற்காக பயன்படுத்திக்கொண்டேன்.

பழத்தை சாப்பிடும் போது எனக்குள் ஒரு கேள்வி ...

இந்தப்பழம் பற்றி எத்தனை பேர் அறிந்திருக்கக்கூடும்? சரி பழம் பற்றி தேடிவிட்டு ஒரு பதிவிடலாம் என்று பார்த்தால்...கூகுளே கைகொடுக்கவில்லை ...கிடைத்தது கீழ் கண்டது மட்டுமே !

பிரம்பு

இது நீர்நிலைகளின் கரையில் பிணக்கத்தையுடைய தூறாக வளர்ந்திருக்கும். செடி போன்றிருத்தலின், “அரிற்பவர்ப் பிரம்பு” எனப்படும். இதன் தூற்றில் நீர்நாய் பதுங்கி இருக்கும். பிரப்பம்பழம் கோடுகளை உடையது; அதனைக் கெண்டை உண்ணும். அப்பழத்தின் புறத்தை நீர்நாயின் புறத்திற்கு உவமை கூறுவர்.

இப்பழம் பற்றி அறிந்தவர்கள் மேலதிக விடையங்களை இப்பதிவின் பின்னூட்டத்தில் பகிர்ந்து கொள்ளுங்கள் ........

ஃபுகுஷிமா முயலுக்கு வைத்த ஆப்பு ! (Fukushima Mutant Rabbit)

2011-06-17T03:57:00.000-07:00

இந்த உலகில் ஆக்கங்கள் ஒரு பக்கம் தன் முகம் காட்டிகொண்டிருக்க

அழிவுகள் தன் மறுமுகத்தை காட்டிக்கொண்டிருக்கின்றன.

அண்மையில் அதாவது கடந்த மார்ச் மாதமளவில் ஜப்பானில் ஏற்பட்ட FUKUSHIMA அணு மின்நிலையத்தின் மூன்றாவது அணு உலை வெடித்ததன் காரணமாக வெளியான அணுக்கதிர் வீச்சு தற்போது இருமடங்கான நிலையில் செவிகள் அற்ற நிலையில் ஒரு முயல்குட்டி பிறந்துள்ளது, அதுவும் FUKUSHIMA உலையிலிருந்து 18 மைல் தூரத்தில்.

அந்த முயல் குட்டியை நீங்களும் பாருங்க

அணுக்கதிர் வீச்சு முயலின் மரபணுவில் தீடீர் மாற்றத்தை ஏற்படுத்தி உள்ளமையே (மரபணு விகாரம்) இதற்கு காரணம் என விஞ்ஞானிகளால் அஞ்சப்படுகிறது.

மரபணு விகாரம் காலா காலமாக இடம் பெற்று வருவது ஒன்றும் புதிதல்ல ஆனால் இப்போ உலகம் போற போக்கை பார்த்தல், அதில் இடம் பெரும் எதிர்பாராத நிகழ்வுகளினால் மாதக் கணக்கிலேயே அதன் விளைவுகளை நாம் கண்கூடாக காணக்கூடியதாக உள்ளது.

மரபணு திடீர்மாற்றம் (Genetic mutation) இயல்பாகவே ஒரு தலைமுறையிலிருந்து மற்றொரு தலைமுறையில் பிறப்பு நிகழும் போது ஏற்படுகின்றன. திடீர்மாற்றங்களே பரிணாம வளர்ச்சியின் உயிர்நாடி ஆகும். மிகுதியாக ஏற்படும் திடீர்மாற்றங்கள் தொகுக்கப்படும் போது அதனால் புதிய வகை உயிரினம் உண்டாகிறது.

ஆனா இதை என்னவென்று சொல்வது ?

Fukushima mutant rabbit: "An earless bunny has been discovered just outside the radiation zone of the Fukushima nuclear plant in Japan."

நாயகன் பாணியில் ஒரு கேள்வி /பதில்

இது நல்லதுக்கா கேட்டதுக்கா...? தெரியலேயேப்பா..........

(POST A COMMENT ஐ கிளிக் செய்வதன் மூலம் உங்கள் பின்னூட்டங்கள் வரவேற்கப்படுகின்றன)

ரியல் எந்திரன் (Real Enthiran)

2011-06-16T02:39:00.000-07:00

விஞ்ஞானத்தினதும் தொழில்நுட்பத்தினதும் வளர்ச்சி எந்தளவுதூரம் இந்த உலகை வளைத்துப் போட்டிருக்கிறது என்பதை கீழுள்ள காணொளியை கண்ணுற்றால் புரியும் .

மனிதவர்க்கம் புகுத்தநினைக்கும் மனிதனைபோன்ற ரோபோ உலகின் அதிநவீன கண்டுபிடிப்பும் உருவாக்கமுமாக 3 Geminoids/Anroids அவற்றின் உரிமையாளர்களோடு Roboticist Prof.Hiroshi Ishiguro(Osaka University), அவரின் பெண் உதவியாளர், Prof. Henrik Scharfe(AALBORG University) இருப்பதை படத்தில் காணலாம்

இவற்றைக் கண்ணுற்றபோது இயக்குனர் சங்கர் எந்தளவுதூரம் எதிர்காலக்கணிப்பை நிகழ்கால ஆராய்ச்சிகளில்

இருந்து மதித்து தன்னுடைய எந்திரன் படத்தின் மூலமாக தந்திருக்கிறார் என்பதை நினைத்துப்பார்க்கையில் உண்மையிலேயே மெய்சிலிர்க்கிறது.

மொத்ததில இந்தப்பதிவிலிருந்து நான் என்ன சொல்ல வாறன் எண்டா

ஒரு காலம் வரும்
ரோபோக்கள் இவ்வுலகை ஆட்சி புரியும் ஆனால் அதைப்பார்க்க நானோ நீங்களோ இருக்க மாட்டோம்...
Ha ha ha..இது எப்படி இருக்கு?

அட இவர் யார் எண்டு பார்க்கிறீங்களா... இவர்தான் நம்மட ShakthiFM தந்திரன்

DOT.............................................................................................

(உங்கள் பின்னூட்டங்களை கீழேயுள்ள Post a Comment பொத்தானை அமுக்கி பதிவுசெய்யுங்கள் )

அதிசய ராத்திரி - 2010 இன் சிவராத்திரி

2011-03-02T08:23:00.000-08:00

சிறு வயது முதல் நான் மிகவும் விரும்பி அனுஷ்டித்து வரும் இந்த சிவராத்திரி தினம் இம்முறையும்.. கடிதென விரைந்திடும் காலச்சக்கரத்தில்..

ஆனால் இம்முறை விரதம் பிடிக்க முடியாத நிலை என்றாலும் விடிய விடிய விழித்திருப்பதில் எந்த மாற்றமும் இல்லை (புதிய உறவான எனது குழந்தையோடு...)

புதிய அனுபவம் தான்.....

இன்று இந்தப் பதிவின் நோக்கம் கீழே உள்ள காணொளியை கண்ணுருவோருக்கு புரியும்.

'கடந்த வருடம் நுவரெலியா காயத்திரி கோயில் வளாகத்தில்

கமெரா கைப்பேசியில் சுட்ட கண்கொள்ளா அதிசயக்காணொளி'

முகில்கள் சிவனின் கண்களை ( அப்படித்தான் இதை கண்ணுற்றோர் சொல்கிறார்கள் ) உங்களுக்கு புலப்படுத்துகிறதா ?

இன்று இரவுதோறும் பக்திப் பரவசத்தோடு சொல்வோம் 'ஓம் நமசிவாய'

உலககெல்லாம் ஒரு சொல்: ஒரு சொல்லில் உலகம் - காதல்

2011-02-13T19:47:00.000-08:00

காதல் உள்ளங்களுக்கு காதலர் தின வாழ்த்துக்கள்

குடிப்போமா... தேத்தண்ணி ?

2011-01-27T23:21:00.000-08:00

எப்படி போகுது வாழ்க்கை? உங்களைப்பார்த்து தான் கேட்கிறேன்...

ஆ... என்ன ... என்னுடைய வருகைக்காக எதிர்பார்த்து காத்திருந்தீங்களா ?

பரவாயில்லையே ... உங்களைபோன்ற பதிவுலகவாசிகள் என்னை இன்னும் ஞாபகம் வச்சிருக்கீங்க.... உண்மைய சொல்லவேண்டுமென்றால்

உங்க நேர்மை எனக்கு பிடிச்சிருக்கு..

நீண்ட நாட்களுக்குப் பின் ஒரு தொடர் ஒய்வு.. வீட்டில் இருந்து கொண்டே அலுவலக வேலைகளையும் பார்த்துக்கொண்டு

பதிவுலகையும் ஆசையுடன் எட்டிப்பார்க்க முடிகிறது....

கண்களும் மனதும் எட்டிப்பார்த்தாலும்

விரல்கள் ஒரு பதிவை இட்டுச்செல்லவே ஆசைப்படுகிறது.... அவற்றின்

ஆசையை நான் ஏன் கெடுப்பானேன்....?

எந்த ஒரு விஷயத்தை நாங்கள் வாழ்க்கையில் சந்தித்தாலும் அதில் முதல் முதல் நாங்கள் எதிர்கொள்ளும் அனுபவத்தை யாராலும் மறக்க முடியாது..

பள்ளியின் முதல் நாள், முதல் காதல், முதல் முத்தம், ... இந்த வரிசையில் முதல்

வேலை கூட......

சக்தி பண்பலைக்குள் வரும்முன்னர் ஒரு தேயிலை நிறுவனம்(DILMAH -டில்மா) எனக்கு பல வேலைகளை கற்றுத்தந்தது...வாழ்க்கையின் அடுத்த கட்ட நகர்விற்காக....

அதுவும் உயர்தரத்தை முடித்துக்கொண்டு, பள்ளிவாழ்கையை நிறைவு செய்து கொண்டு, உலகை எதிர்கொள்ளும் புதிய உத்திகளை கற்றுக்கொள்ள எனக்கு உதவிய நிறுவனம் அது.. காரணம் அதனுடைய கட்டுக்கோப்பான ஒருங்கியம்.

ஒரு சாதாரண அடித்தள வேலையைக்கூட எவ்வாறு பூரணமாக செய்ய வேண்டும்... அதையே இன்னொரு மாதிரி சொல்வதென்றால் ''பக்காவா''

செய்வதற்கான ஆற்றலை கற்றுத்தந்த நிறுவனம்.

நான் உயர்தரத்தில் விஞ்ஞானப்பிரிவில் கற்றபடியால் ஆய்வுகூடத்தோடு சம்பந்தமான வேலையில் சேர வேண்டுமென்ற ஆவலில் தந்தையின் வழிநடத்தலுடன் இந்த

டில்மா(DILMAH) நிறுவனத்தின் தரக்கட்டுப்பாட்டுப்

பிரிவில் சேர்ந்தேன்.

இதில் எனக்கு முதல் வழங்கப்பட்ட பணி பொதிசெய்வதற்காக நிறுவனத்துக்கு

கொண்டுவரப்படும் தேயிலை மாதிரிகளை சுவைத்து தரப்படுத்துவது. 'Tea Taster' என்று ஆங்கிலத்தில் சொல்வார்கள்..

மிகவும் சுவாரசியமான வேலை ஆனால் ஒரு நாளைக்கு 100 மாதிரிகளை சுவைக்கும் போது வெறுத்தே போய்விடும்.

ஆனால் எனக்குள் ஒரு சந்தோசம் .. இந்த Tea Tasting என்பது எல்லாராலும் செய்ய முடியாத காரியம்.. காரணம் ஒரு தேநீர் மாதிரியை தொண்டையின் ஆரம்பப்பகுதிவரை இழுத்து நாவினால் அதன் தன்மையையும் தரத்தையும் உணர்ந்து குறிப்பில் எழுதி... வழங்கப்பட்ட மாதிரி முதல் கட்டத்தில் Auction இல் உடன்பட்டு பெறப்பட்ட தேயிலையா என்பதை உறுதிப்படுத்த வேண்டும்.

தேநீர் மாதிரியை சுவைக்கும் போது அது கொண்டிருக்கும் சுவைக்கேற்ப தரப்படுத்தலாம். COLOURY , PLAIN , FAIR , THIN... இப்படி சுவையின் தன்மையை குறித்துக் கொடுத்து உறுதிப்படுத்த வேண்டும். இதை எல்லாராலும் உணர முடியாது. இதற்கென பிரத்தியேகமான பயிற்சியும் அவசியம். ஆனால் எனக்கு தேவைப்பட்டது ஒரே ஒருநாள் தான். எனக்கே கூட ஆச்சரியமாகத்தான் இருந்தது. இது கடவுளின் கொடுப்பினை என்று எண்ணிக்கொண்டேன். வேலையைத் தொடர்ந்தேன்.

நாளுக்கு நாள் தேயிலை வகைகளின் தன்மை, அவற்றின் உற்பத்தி, பரிசோதனைகள் என்று எக்கசெக்கமான அம்சங்களை தேடித்தேடி படித்துக்கொண்டேன். அவை மறக்க முடியாத நாட்கள்....

அனுபவங்கள்.

தேயிலை உடற்சுகாதாரத்தில் பங்களிப்பாற்றுகிறது என்பதை அறிந்திருப்பீர்கள். இதயத்துக்கும் நன்மை பயக்கின்றது.

குறிப்பாக

Chrysanthemum Tea - இரவு பகல் பாராமல் மூளைக்கு அதிக வேலை கொடுப்போருக்கு ஏற்றது

Wu Loong Tea/Oolong Tea - உடல் உழைப்பில் அதிகம் ஈடுபடுவோருக்கு, அசைவ உணவு உண்போருக்கு ஏற்றது

Green Tea - அதிக தூரம் பயணிப்போர் , மாசு நிறைந்த இடங்களில் பணியாற்றுவோருக்கு ஏற்றது

Green Tea + Flower Tea - அமர்ந்த இடத்தில் இருந்துகொண்டே வேலை பார்ப்போருக்கு ஏற்றது

Wu Loong Tea + Green Tea - அதிக ரத்த அழுத்தம், கொழுப்பு உள்ளவர்களுக்கு உகந்தது.

எப்போதும் கணனியோடு காலம் தள்ளுவோருக்கு எந்த வகையான தேநீரும் உகந்தது.

எனவே எப்போது கணனிக்கு முன்னால் நீங்கள் அமர்ந்தாலும் ஒரு கோப்பை தேத்தண்ணியோடு உற்கார்ந்து வேலையைப்பாருங்க.

அப்போ நான் போய்ட்டு வாறன் ... என்ன எங்கேயா ?? தேத்தண்ணி கோப்பைய எடுத்துக் கொண்டு வரத்தான்...

'TAA TAA' sorry TEA TAA

இன்று எனக்கு உயர்வு தந்த சக்தி பண்பலை எனும் என் தாய்க்கு 12 ஆவது பிறந்ததினம்.......

2010-11-19T22:33:00.000-08:00

ஒரு வாரமாக உடல்நிலை ஒத்துழைக்கவில்லை என்றாலும் மனம் திறந்து சில வார்த்தைகள்.............

இந்த இனிய நாளில் .......நீண்ட இடைவேளைக்குப்பின் எனது எழுத்துக்கள் பதிவுலகை முத்தமிடுகின்றன..

இன்று சக்தி தன் 12 ஆண்டுகளை நிறைவு செய்து கொண்டு இருக்கும் இத்தருணம்.... எனக்கு சக்தியோடு இணைந்து கொண்டு பூர்த்தி செய்கின்ற 5 ஆண்டுகளும் 8 மாதங்களும் என்று சொல்லிக் கொள்ளலாம்..

சக்தியில் நானும் ஒரு அறிவிப்பாளராக வேண்டும் என்ற ஆசையின் உந்தலில் இணைந்து கொள்ள முற்பட்ட வேளையில் என்னிடமிருந்த 3 மூலதனங்கள்

1) நம்பிக்கை

2) கற்றுக்கொள்ள வேண்டும் என்ற ஆர்வம்

3) ஜனரஞ்சகமாக பிறர் ரசிக்கும்படி வித்தியாசமாக எதையும் செய்ய வேண்டும் என்ற ஒரு தீ .............

சக்தியின் ரசிகையாக இருந்தபோதே இவற்றை என்னிடம் இனம் கண்டு, எனக்கு உற்சாகம் தந்து ஊக்கப்படுத்தி சக்திக் குடும்பத்தோடு இணைய எனக்கு வாய்ப்பளித்த சிரேஷ்ட அறிவிப்பாளர், முன்னாள் சக்திப் பணிப்பாளர், (என்னுடைய கோட் பாதர் என்று சொன்னால் கூட தப்பில்லை)

திரு. R .P . அபர்ணாசுதன் அவர்களுக்கும்....

இப்போது நான் அடைந்துள்ள வளர்ச்சிக்கும் (பகுதி நேர அறிவிப்பாளர், அறிவிப்பாளர், வார இறுதி நாட்களுக்கான பிரதி முகாமையாளர்) , இந்தப் படிப்படியான வளர்ச்சிக்கு காரண கர்த்தாக்களாக இருந்த, இருந்து கொண்டிருக்கிற சிரேஷ்ட அறிவிப்பாளர்கள்

ஜீவா அக்கா, மயூரன் அண்ணா, கணா அண்ணா, கஜமுகன் அண்ணா, ஷெல்டன் அண்ணா, சுமன் அண்ணா, ரவுப் அண்ணா, குணா அண்ணா, உமா அக்கா, சத்ய சன்னிதா அக்கா ஆகியோருக்கும்

இப்போது எம்மை வழி நடாத்திக் கொண்டிருக்கும் சக்தி நிலையைப்பொறுப்பதிகாரி திரு.காண்டீபன் அண்ணா அவர்களுக்கும் நன்றியை தெரிவிக்கும் அதே தருணம்.... 2005 இல் டிசெம்பர் 24 ஆம் திகதி சனிக்கிழமை 'தபால் விருப்பம்' என்னுடைய முதல் நிகழ்ச்சி.... அந்த நிகழ்ச்சிக்காக வானலையில் நடை பயிற்றுவித்து நிகழ்ச்சியை என்னுடன் தொகுத்து வழங்கியவர் காண்டீபன் அண்ணா என்பதையும் நான் பெருமையோடு சொல்லிக்கொள்கிறேன்.

சக்தியோடு இணைந்து கொண்ட ஞாபக மீட்டல்கள் பல உள்ளன என்றாலும் இப்போதைக்கு இவை போதும் என்ற எண்ணத்தோடு ...

சக்தி கொடுத்ததும் பல

சாதனைகளாய் படைத்ததும் பல

அது இனியும் தொடரும் ...............

சக்திக்கு இனிய பிறந்தநாள் வாழ்த்துக்கள்

சக்திக் குடும்பத்தோடு எடுத்துக் கொண்ட முதல் புகைப்படம் 2005 - கடல் கடந்த தேசம் நாடகத்தில் பங்கேற்றபோது

பலமும் பலவீனமும் பிரமிப்பும் ராவண்

2010-06-19T07:13:00.001-07:00

(இந்தப் பதிவு - கண்டிப்பாக பார்த்தவர்களுக்கு மட்டும்)

1) இதுவரை எந்த ஒரு இந்தியத் திரைப்படத்திலும் காட்டப்படாத அளவுக்கு காட்டின் அழகு கண்களை நிறைக்கிறது. அழகானவற்றை பிரமிக்க வைக்கும் அளவுக்கு தன் ஒளிப்பதிவின் மூலம் காட்டுவது சந்தோஷ் சிவனுக்கு கை வந்த கலை. அதை இங்கும் நிரூபித்திருக்கிறார். மலை, மழை, மரங்கள், நீர், ஏன் ஐஸ்வர்யா ராய் கூட அழகின் செழுமையில் ஒருபடி மேல்தான் இந்தப் படத்தில்.

திரையரங்கின் A/C குளிரையும் தாண்டி ஒளிப்பதிவு கண்களைக் குளுமைப்படுத்தியது எனலாம்.

(மணிகண்டனுக்கும் இதில் பங்குண்டு)

ஸ்ரீகர் பிரசாதின் எடிட்டிங்க்கும் கிரெடிட் கொடுக்கலாம். பெயரோடத்தின்போது கிராபிக்ஸ் வியக்கவைக்கிறது

2 ) சொல்லிக்கொள்ளும் படியாக வீர தீர சண்டைக்காட்சிகள் இல்லை என்றாலும் நிறைவுக்கட்டத்தில் தொங்குபாலச் சண்டை... ஆஹா.... கமெராவின் கோணத்தில் மெய் சிலிர்க்கவைத்தது.

3) எனக்கு ஐசுவை அவ்வளவாகப் பிடிக்காது என்றாலும் இந்தப்படத்தைப் பொறுத்தவரை ஐசுவின் கதாபாத்திரம் மட்டுமே மனதை நிறைக்கிறது...திரையரங்கை விட்டு வெளியே வந்த பிறகும் கூட.

4) இசைப்புயலின் BGM மிரட்டுகிறது காட்சிகளுக்குத் தக்கவாறு... என்றாலும் இந்தப்படத்தை பொறுத்தவரை காட்சிகளுக்கிடையில் பாடல்களுக்கான செருகல்கள் அர்த்தமற்று இருக்கின்றன.

5) ராவண் கதாபாத்திரத்தை இன்னும் பலமானதாகக் காட்டியிருக்கலாம்

(இது எனது உள் மனதின் ஏக்கம்... ரொம்ப எதிர்பார்தேன்பா)

6) நவீன ராமாயணம் + அதன் திருப்பங்கள் - இயக்குநர் சிகரம்

மணிரத்தினத்துக்கு மட்டுமே உரிய சிறப்பு

7) மணிரத்தினத்தின் திரைப்படங்களுக்குரிய இன்னுமொரு சிறப்பு - வசனங்கள். ஆனால் இந்தப்படத்தைப் பொறுத்தவரை அவ்வளவு உயிர்ப்பான வசனங்கள் இல்லை. சாதாரணமாக பேசப்பட்ட வசனங்கள்

மனதை எள்ளளவேனும் ஏதும் செய்யவுமில்லை.(மணி அங்கிள் அதை கொஞ்சம் கவனித்திருக்கலாம்)

8) கிளைமாக்ஸ் காட்சிக்கு இன்னும் கொஞ்சம் திருப்புமுனை கொடுத்திருந்தால் இன்னும் சிறப்பாக இருந்திருக்கும்(த்ரில் அதிகரித்திருக்கும்).. ஏனென்றால் எதிர்பார்த்தது தான் கிளைமாக்ஸ் ஆனது. எனவே எனக்கு த்ரில் இல்லாமல் போனது :((

(உங்களுக்கு எப்படியோ தெரியாது)

9) விக்ரமும், ப்ரியாமணியும் தாங்களே ஹிந்தி dub: குரல் கொடுத்திருப்பது வரவேற்கத்தக்கது.

10) சில பிரம்மிப்பூட்டும் இடங்களை இந்தப்படத்துக்காகவே தேடித் தேடி ஒளிப்பதிவு செய்திருக்காங்க

விஷ்ணு பகவானின் இரண்டாகப் பிளந்திருந்த சயன சிலை Locationஐ எப்படித் தேடிப்பிடித்தார்களோ தெரியல.

(அந்த இடத்துக்கு நேரே சென்று பார்க்க வேண்டும் என்று ஒரு ஆசை .. படம் பார்த்தபோது)

11) பிரதான நடிகர்கள் இந்தப்படத்துக்காக எடுத்திருக்கும் ரிஸ்க்குகள் படம் பார்க்கும்போது அவர்களுக்கு ஒரு சல்யூட் அடிக்கச்செய்கிறது.

12) ஹனுமான் பாத்திரத்தை பிரதிபலிக்கும் கோவிந்தாவின் பாத்திரத்தை(தமிழில் கார்த்திக்) மதுப்புட்டியோடு மணி அங்கிள் காட்டியிருப்பது கொஞ்சம் நெருடல்

குறைகளும் நிறைகளும் இருந்தாலும்

நம்பிப் பார்க்கலாம் இந்த நவீன ராமாயணத்தை..

விட்டகுறை தொட்டகுறை 'திரு திரு துரு துரு'

2010-05-05T14:24:00.000-07:00

ரொம்ப ஓவராத் தான் ஒய்வு எடுத்துட்டேன் போல பதிவுலகத்திலிருந்து ... புரியுது உங்கள் ஆதங்கம்... வலைப்பூவை எட்டிப்பார்த்துட்டு ஏமாற்றத்தோடு தொடர் கதைக்கான முடிவு கிடைக்காமல் போன அனைவரும் .... மன்னித்து மறப்பீர்கள் என்ற நம்பிக்கையோடு...

மீண்டும் உங்கள் அன்புச் சகோதரி- நண்பி (நான்தான்) பதிவுக்களத்தில்..

தொபுக்கடீர்னு குதித்து இனியும் ஏமாற்றாமல் இருக்க வந்திருக்கிறேன்..............

துரு துரு டயானா திரு திரு முழியுடன்.... தொடர்கிறது....

ஞாபக மீட்டலுக்காக கடந்த பதிவிலிருந்து............

//அந்த ஒருநாள் வகுப்புக்குள் திடீர்ச்சோதனை... என்னிடம் இருந்த cassette மாட்டிட்டுது..

அது ''கண்டுகொண்டேன் கண்டுகொண்டேன்'' பாட்டு cassette ...சோதனைசெய்த மாணவத்தலைவி ''I have found it '' என்று சொல்ல....

''கண்டுபிடிச்சிட்டாய்யா கண்டுபிடிச்சிட்டாய்யா'' இப்படி மனசு வடிவேல் sytle இல்படபடக்க....

என்ன செய்றதெண்டு தெரியாம திரு திருன்னு முழித்து நின்றபோது....//

இனி

மின்னல் வேகத்துல ஒரு யோசனை .. அப்டியே ஒய்யாரமாய் மனசோரத்தில் ஆட

மாணவத்தலைவியிடம் துணிந்து பொய் சொன்னேன்...

இந்த cassette ...... (அதிபர்)SISTER 'S FEAST க்காக நடனம் பழக கொண்டுவந்தது.....என்று ஒருமாதிரி சொல்லி சமாளிச்சாச்சு என்றாலும்.... மாணவத்தலைவி என்ன விட்டபாடில்ல...

பதில வந்து SISTER 'ட்ட(அதிபர்) சொல்லு என்று கூட்டிக்கொண்டுபோய் விட்டுட்டா.....

ஒரு மாதிரி SISTER 'ட்ட (அதிபர்) உங்கட FEAST 'க்காகத்தான் டான்ஸ் பழக CASSETTE 'ஐ திருட்டுத்தனமாக கொண்டு வந்தேன் என்று சொல்ல..அவர் என்ன ஒருக்கா மேலேயும் கீழேயும் பார்த்துட்டு....ஒரு அசட்டு சிரிப்பு சிரிச்சிட்டு... சரி பரவாயில்ல ... ஆனா எங்க PLAYER ? CASSETTE 'ஐ மட்டும் வச்சுக்கொண்டு பிளேயர் இல்லாம எப்படி ? என்று கேட்ட கேள்வியில ஆடிப்போன நான் அரைகுறையாய் ஒரு முழுசு முழுசிப்போட்டு.... இன்னொரு பொய்யை எடுத்து விட்டேன்... என் உயிர்த்தோழி சங்கீதா கொண்டு வாறன் என்று சொன்னவ ஆனா மறந்துட்டு வந்துட்டாவாம் என்றேன்.. அடுத்து அவளையும் கூப்பிட்டு விசாரணை...

எனக்கு உசிரே போன மாதிரி ஆயிட்டுது.... அவள் என்னத்த உளறிக்கொட்டப் போறலோன்னு...

நல்லவேளை சாடிக்கேத்த முடியா அவளும் ஒரு மாதிரி சமாளிச்சா...

பாதி நம்பியும் பாதி நம்பாமலும் ஒரு மாதிரி 1/2 மணித்தியாலத்தில் எங்கள போக விட்ட SISTER (அதிபர்).... ''FEAST நாளில் நல்ல ஒரு PERFORMANCE தரவேண்டும்'' என்று கட்டளையிட்டது....மட்டும் தான் எங்கள் காதில் விழுந்தது... தப்பிச்சா போதும் என்று ஓடி வந்து வகுப்பறையில் உட்கார்ந்து கொண்டோம்...

பிறகென்ன இடை வேளையில்

அப்படியே மாணவிகள் புடை சூழ ''நடந்தது என்ன'' பாணியில் இருவருமாக அதிபர் அலுவலகத்துக்குள் நடந்தவற்றை விளக்கினோம்...

கதம் கதம் ..............

என்ன .... இன்னும் என்ன முடிக்க விடுறீங்க இல்ல ............ஓஓஓஓ FEAST நாளில் நாங்க PERFORM பண்ணினது எந்தப்பாட்டுக்குன்னு கேட்குறீங்களா ??

இதோ இந்தப்பாட்டுக்குதான்....ஆனா இது ''கண்டு கொண்டேன் '' படப்பாட்டு அல்ல ஏனென்றால் 1999 இல் அந்தப்படப்பாட்டுக்கள் வெளியாகவேயில்லை..உண்மையிலேயே மாட்டுப்பட்டது 'தாஜ்மஹால்' காஸ்செட்டே(CASSETTE..) ஆனால் அதன் மேலுறையில் ''கண்டு கொண்டேன் கண்டு கொண்டேன் விரைவில்'' என இருந்தது.... ஹி ஹி..எல்லாம் ஒரு திருப்பம்தான்...

ஆசிரியர் தினத்துடன் சேர்த்தே SISTER ' ஓட FEAST ஐயும் கொண்டாடினோம் 1999 இல்...

(அறிவியல்-போட்டி காரணமாக நேரம் போதவில்லை எனவே A . R . ரஹ்மான் இசையில் ஏற்கனவே வெளியான ஒரு குட்டிப் பாட்டைத்தேர்ந்தெடுத்து பழகி ஆடினோம்)

பட்டப்பகலில் சூரியன் மந்த கதியில் காய்ந்து கொண்டிருந்தபோது... நாங்க நிலா காய்கிறது பாட்டுக்கு ... ததிங்கினத்தோம் தத்தோம் ....

இந்த 'திரு திரு துரு துரு' அனுபவம் பிடித்திருந்தால் அன்புடன் பின்னூட்டமிடுங்கள்....

''துறு துறு திரு திரு''வுக்கிடையில் காதல் கொஞ்சம் அதை கவிதை மிஞ்சும்

2010-02-14T06:51:00.000-08:00

படித்து ரசித்த கவிதை அதுவும் ... காதலை விஞ்ஞானம், கற்பனையுடன் சேர்த்துக்குழைத்த கவிதை...

படித்து ரசித்ததால் பகிர்வதற்கு மனம் துடிக்கிறது ....

புவிஈர்ப்பினால் புவியில் விழுந்து காயப்பட்டுப் போகிறது ஆப்பிள்...

நல்லவேளை காதலின் ஈர்ப்பினால் தடுக்கிவிழும் போதெல்லாம்

என்மீதே விழுகிறாய்

காயமே இல்லாமல் !

நன்றி "கொஞ்சும் கவிதைகள் " (சப்ராஸ் அபூபக்கர் சொன்னது)

( நான் சொல்லும் நன்றி சப்ராஸ் அபூபக்கருக்கு முகப்புத்தகத்தில் பகிர்ந்தமைக்கு)

ITHU என்னன்னு பார்க்குறீங்களா ??

இதான்.... அந்தக்காலத்துல ஏவாளும், ஆதாமும் கடிச்சிட்டு மிச்சம் வச்ச ஆப்பிள்..

துறு துறு டயானா... திரு திரு முழியுடன்!

2010-02-09T11:18:00.000-08:00

எனது பள்ளி வாழ்க்கை பற்றி மட்டுமே எழுத புதிய வலைப்பூ ஒன்றைத் தொடங்கலாமா என்று யோசித்தபோது 'கரவைக்குரல்' விடுத்த தொடர் பதிவுக்கான அழைப்பு இந்த wisdomblabla வை எட்டிவிட்டது. அதனால் இதிலேயே சில அனுபவங்களை தற்போதைக்கு பகிர்ந்து கொள்கிறேன்.

அம்மா வயிற்றுக்குள் இருந்து புரண்ட வேளையிலிருந்தே நான் இசைப்பிரியை, பைத்தியம், etc .. இப்படி சொல்லிக்கொண்டே போகலாம். விவரம் தெரிந்த பள்ளி வாழ்க்கையில் விட்டு வைப்பேனா ?? 1992 இன் பின் சொல்லவே தேவையில்லை... ARR இன் இசைக்கு மட்டுமே தனியொரு அடிமையாக இருந்தேன் என்றுகூட சொல்லலாம். ARR இன் இசை எப்படி வளர்ந்த வண்ணம் இருந்ததோ அதுபோலத்தான் என் குறும்புத்தனங்களும்....அடாவடித்தனங்களும்

எங்கள் பாடசாலைக்குள் CASSETTES எடுத்துச்செல்வது தடை செய்யப்பட்டிருந்தது... ஆனால் புதிய பாடல்கள் கொழும்பில் வெளியான உடனேயே 2 நாட்களில் என் கரம் கிட்ட வேண்டும் என்பது நான் என் உயிர்த்தோழிக்கு(சங்கீதா) இட்ட அன்பு வேண்டுகோள்...(1995 இல்- அவள் என் தோழியர் குழாமில் இணைந்தபோது)

இந்த புதுப்பாடல் CASSETTES களை உடனுக்குடன் பெற்றுக்கொடுப்பவர் அவளுடைய கொழும்பு மாமா....

CASSETTES பரிமாற்றம் இடம்பெறுவது பாடசாலையில் தான்......

இன்றும் ஞாபகம் இருக்கிறது - ரங்கீலா, முத்து, லவ்பேட்ஸ், இந்தியன், காதல் தேசம், மின்சாரக்கனவு, இருவர், ரட்சகன், ஜீன்ஸ், என் சுவாசக்காற்றே, படையப்பா, காதலர் தினம், தாளம், சங்கமம், ஜோடி, முதல்வன், தாஜ்மகால் இப்படி சொல்லிக்கொண்டே போகலாம்...சுடச்சுட பாடல்களைப்பெற்று செவிமடுத்ததை....

கொழும்பு வாசிகளுக்கு இந்தப்பாடல்களைப் பெற்றுக்கொள்வது பெரிய விடயமே இல்ல.. ஆனா நுவரெலியாவில் இந்தப்பாடல்களை அவை வெளியான 2 , 3 நாட்களிலேயே பெற்றுக்கொள்வது பெரிய விடயம்...ஏனென்றால் ரெகார்டிங் கடைகளில் கூட அந்தப்பாடல்கள் வந்திருக்காது....இப்படியிருக்க... இந்தப்பாடல்களை வாண்டுகளாக இருந்த நாங்கள் வைத்திருந்தது எங்களைப்பொறுத்தவரை அந்தக்காலத்தில் பெரிய............. விஷயம் (இப்ப நினைச்சா சிரிப்புத்தான் வருது...)

பாடசாலையில் என்னதான் தடைகள் விதிக்கப்பட்டிருந்தாலும் அவற்றை உடைத்து, மீறி சில விஷயங்களை செய்துவிட்டு 'COLLARS -UP' பண்ணுவது எங்களுடைய பழக்கம்... ஹி ஹி ..(உங்களிடம் கூட இருக்குமே)

இப்படி நாளொருமேனியும் பொழுதொருவண்ணமுமாக(பள்ளிநாட்களில் எழுதின கட்டுரை சிறுகதையெல்லாம் ஞாபகம் வருது) எங்கள் cassette பரிமாற்றம் இடம் பெற்று வந்தபோது ஒரு நாள் ..........

''டடாங் டம்'' (situation effect )

அந்த ஒருநாள் வகுப்புக்குள் திடீர்ச்சோதனை... என்னிடம் இருந்த cassette மாட்டிட்டுது...

அது ''கண்டுகொண்டேன் கண்டுகொண்டேன்'' பாட்டு cassette ...

சோதனைசெய்த மாணவத்தலைவி ''I have found it '' என்று சொல்ல....

என்ன செய்றதெண்டு தெரியாம திரு திருன்னு முழித்து நின்றபோது.....

(தொடரும்)

'மிஸ்'ஆக விடுவோமா ??

2010-02-08T12:30:00.000-08:00

கிட்டத்தட்ட ஒரு மாதம் பதிவிடாமல் ஒய்வு எடுத்துக்கொண்டேன் போல.... (இப்டித்தான் சொல்லித்திரிய வேண்டி கிடக்கு வாசக நெஞ்சங்களிடம் இருந்து தப்பிக்க)

கடந்த ஆண்டில் என் கவனத்துக்கு புலப்பட்டும்கூட, மேற்கொண்டு எதிர்ப்பதிவிட முடியாமல் போனவற்றுக்கான பதிவாக இப்பதிவு....

1 )

http://sshathiesh.blogspot.com/2009/09/blog-post_13.html

பதிவுக்கு சொந்தக்காரர் சகோதரன் சதீசன் சத்தியமூர்த்திக்கு முதற்கண் என்னுடைய நன்றிகள்...அவர் என் வலைப்பதிவுக்காக அன்போடு தந்த 'SCRUMPTIOUS BLOG AWARD 'காக.

வெளிப்படையாக சொல்லப்போனால் நான் அடிக்கடி பதிவுகள் இடுவது கிடையாது.. எழுத 1000 - 1000 ஆசைகளும், யோசனைகளும் இருந்தாலும் பதிவிடுவதற்கான நேரம் அவ்வளவாக கிடைப்பதில்லை...((

நேரம் கிடைக்கும்போது நண்பர்கள் மின்னஞ்சலுக்கு அனுப்பும் தொடுப்புகளை வைத்து அவர்களின் பதிவுகளை வாசித்து பின்னூட்டமிடுவதோடு சரி... அதுவும் இப்போது குறைந்து வருகிறது....(((

சதீஷன் தம்பி நல்ல ஒரு படைப்பாளி....எந்த நேரமும் ஒருவித ஆர்வத்துடனேயே திரிந்து கொண்டிருப்பவர்....வெற்றி பண்பலையில் அவருடைய நிகழ்ச்சிகளை செவிமடுத்திருக்கிறேனேயொழிய தனிப்பட்ட முறையில் எனக்கு அவரைத் தெரியாது

அவரை எனக்கு அறிமுகப்படுத்தி வைத்தது இந்தப்பதிவுலகம்தான்...

முதன் முதலாக நான் வாசித்த அவருடைய பதிவு கந்தசாமி - திரைப்படம் பற்றியது..

அந்தப்படம் வந்த ஆரம்பத்தில்... தாறுமாறாக விமர்சனங்கள் விதைக்கப்பட்டபோது.... இவருடைய விமர்சிக்கும் சிந்தனை சற்று வித்தியாசமாகவே இருந்தது.. இதுவே என்னை இவருடைய பதிவுகளை வாசிக்கத்தூண்டியது.. அத்தோடு அவருடைய பதிவுப்பக்க தலைப்புகள் சரவெடியாகவே இருக்கும்.. அவை வாசிக்கத்தூண்டும்..
இப்படிப்பட்ட ஒருவரிடம் இருந்து 'SCRUMPTIOUS BLOG AWARD' பெற்றுக்கொண்டது மகிழ்ச்சியே...

2) http://enularalkal.blogspot.com/2009/12/2009-1.html அடிக்கடி என் வலைப்பதிவை எட்டிப்பார்த்து.. குறைநிறைகளை சுட்டிக்காட்டி என்னை ஊக்குவிக்கும் அன்புப்பதிவர் 'வந்தி' அண்ணா, தான் 2009 இல் ரசித்த பதிவுகள் பற்றிய ஒரு தொகுப்பைத் தந்திருந்தார் ..அதில் என்னுடைய ''அவதார்'' திரைப்படம் பற்றிய பதிவு அவரைக்கவர்ந்திருந்ததாக குறிப்பிட்டிருந்தார்.. நன்றி !

பலரின் பதிவுகளை தேடித்தேடி வாசிக்கும் பழக்கம் உள்ள இவர் சுடச்சுட பதிவுகள் தந்து அசத்துபவரும் கூட... தன் வேலைகளுக்கு மத்தியில் எப்படி பதிவுகள் பலவற்றை வாசிக்கிறார்- 'பின்'னூட்டமிடுகிறார் என்று... நான் அவரைப்பார்த்து வியந்ததுண்டு... தொடரட்டும் அவர் சேவை....

3) http://karavaikkural.blogspot.com/2009/09/blog-post_19.html எனது பள்ளி-வாழ்க்கை குறும்புத்தனங்கள், நண்பர்கள் பற்றிய பதிவை வேண்டி நின்ற கரவைக்குரல் - பாவம் என் பதிவுக்காக காத்திருந்து காத்திருந்தே அவர் குரல் கரைந்திருக்கும்.. இன்றுவரை அவருடைய மூச்சுப்பேச்சையே காணவில்லை... தாங்கள் எங்கே உள்ளீர்கள் ?? கொஞ்சம் வந்து விட்டுப்போங்கோ

அடுத்து அரங்கேறப்போவது உங்கள் பதிவுதானுங்கோ..!

விண்ணை தாண்டுமா???? VTV பாடல்கள்

2010-01-10T09:06:00.000-08:00

..எவ்வளவுதான் கட்டிக் காக்கப்பட்டிருந்தாலும் உலகளாவிய உத்தியோகபூர்வ வெளியீட்டின் முன்னர் இணையங்களில் விண்ணைத்தாண்டி வருவாயா பாடல்கள்... தடுப்புகளைத் தாண்டி வந்து தொட்டு பலரின் எதிர் பார்ப்புகளை முட்டிக்கொண்டும் இருக்கிறது.

ஏற்கனவே நானும் ஒருசில பாடல்களை கேட்டு பெற்று பத்திரப்படுத்தி வைத்திருந்தாலும் இன்று ஒட்டுமொத்த பாடல்களும் இணையத்தில் வெளியான நிலையில்

அந்தப்பாடல்களை உங்கள் முன்னிலையில் அலசிப்பார்க்கும் ஆசையில் இந்தப்பதிவு !

பொதுவாக ஒரு பாடலைக் கண்மூடிக் கேட்கும்போது A .R .ரஹ்மான் இசை புறம்பாய்த் தெரியும்.

அந்த தன்மை விண்ணைத்தாண்டி வருவாயா பாடல்களில் இருந்தாலும், அவருக்கே உரிய தனித்துவம் (SPECIALITY) இந்தப் பாடல்களின் வாயிலாகப் புலப்படவில்லை.

ஹோசனா(விஜய் பிரகாஷ், BLAZEE , SUZZANE ) மற்றும் ஓமனப்பெண்ணே(பென்னி தயாள்) பாடல்களில் ONE LOVE அல்பத்தின் தாஜ்மஹால் பாடலின் தாக்கமும், வேறு சில பாடல்களின் கலவை கலந்த நிலையிலும் தெரிவதோடு,

BLUE ஹிந்தி படத்தின் FIQURAANA பாடலின் தாக்கம் அன்பில் அவன்(தேவன், சின்மை) மற்றும் கண்ணுக்குள்(நரேஷ் ஐயர்) பாடல்களில்....

ஆரோமேலே(அல்போன்ஸ்) பாட்டு ஆரம்பம் பக்கா ''ஏலே நேரம் வந்திருச்சி''- சக்கரக்கட்டியில் இருந்து..ஆனால் மீதிப்பாதியின் கலவை புதிது...

''மன்னிப்பாயா''(ஸ்ரேயா கோஷல் , A .R .R ) பாட்டு கேட்க நல்லா இருந்தாலும் ஏதோ ஒரு குறை உள்ளது....(மன்னிப்பாயா என்ற வார்த்தையை பாடலில் இருந்து தவிர்த்திருக்கலாம்... காரணம் அந்தப்பாட்டு எனக்கு ''குரு'' திரைப்பட ஆருயிரே பாடலை வார்த்தைகளால் மனக்கண்ணில் கொண்டு வந்து நிறுத்துகிறது..

கார்த்திக் பாடிய தீம் பாட்டு சுமார் ரகம்....

இந்த அத்தனை பாடல்களையும் கிட்டத்தட்ட மாறி மாறி 5 தடவைகள் கேட்டுவிட்டு தான் இந்தப்பதிவை இடுகிறேன்....

ஒருவேளை படம் வெளியான பின்னர் பாடல்கள் காட்சியமைப்புகளோடு இன்னும் சிறப்பாயமைய வாய்ப்புகள் இருக்கு...

என்றாலும் ஏதோ ஒரு ஏமாற்றம்.. வழமையாக இசைப்புயலின் பாடல் கேட்கும் போது ஏற்படும் ஒருவித மெய் சிலிர்க்கும் அனுபவம்..(VTV க்கு முதல் வெளிவந்த சக்கரக்கட்டியின் மருதாணி பாடலின் INTERLUDES இல் இருந்து கூட அந்த அனுபவம் எனக்கு கிடைத்தது..) ஆனால் இந்தப்படத்தின் ஒரு பாடலில் கூட அந்த அனுபவம் ஏனோ எனக்கு ஏற்படவில்லை...:(

இசைப்புயலின் தீவிர ரசிகர்கள் இந்தப்பதிவை எப்படி எடுத்துக்கொள்வார்கள் என எனக்குத் தெரியவில்லை..

என்னைப்போல சில இசைப்புயல் வெறியர்கள் இதே உணர்வுடன் இருப்பது போல்
பலர் அனைத்து பாடல்களும் நன்றே என்று சொல்லவும் செய்கிறார்கள்..

எனினும் பாடல்கள் பற்றிய ரசனை அவரவர் உள்ளச்செவியை பொறுத்தது... அது மட்டுமல்லாமல் முகம்கொடுக்கும் EXPOSTURE யும் பொறுத்தது.

VTV பாடல்கள் பற்றிய என்னுடைய உணர்வு இவ்வாறு அமைந்திருப்பதற்கான காரணம் ....இசைப்புயல் ஹிந்தி திரையிசைக்குள் ஆதிக்கம் செலுத்த முழுமையாக நுழைந்த பின் அந்தப்பாடல்களை கேட்டு பழகியதால் எனக்கொள்ளலாமா ??

ஆம் இப்ப அப்படித்தான் என்னை சமாதானப்படுத்திக் கொள்கிறேன்...

இதுவரை கேட்டதில் ஹோசனா பாடலும், ஓமனப்பெண்ணே பாடலும் என்னுடைய தெரிவாக அமைகின்றன..

ஹோசனா பாடலின் ''ஹெல்லோ... ஹலோ'' என வரும் BLAZEE யின் கணணிமயப்படுத்தப்பட்ட குரல் பிடித்திருப்பதால்... இப்போது என் RINGTONE கூட அதுவாகிப்போனது...
என்ன செய்ய எல்லாம் A .R .R இன் மாயம்!

இனி உங்கள் அபிப்பிராயம் ?? தொடரட்டும்

''PAA'' ('பா'சம் - 'பா'ர்வைகள் - 'பா'டம்)

2010-01-03T08:48:00.000-08:00

முன்குறிப்பு:
''PAA''- நிச்சயமாக இது ஹிந்தித் திரைப்பட விமர்சனம் அல்ல

ஒரு ரயில் தன் பயணத்தை ஆரம்பிக்கும் தருணம் ,

ஒரு வயதானவரும், 25 வயது பூர்த்தியான அவருடைய மகனும்..

எதிர்ப்பக்க இருக்கைகளில் ஒரு இளம் ஜோடி...இவர்களை கவனித்த வண்ணம்..

ரயில் தன் பயணத்தை ஆரம்பித்ததில் இருந்து ஒவ்வொரு கணமும் அந்த இளைஞனின் கண்களிலும் உள்ளத்திலும் அவ்வளவு குதூகலம்!

யன்னல் பக்கத்தில் அமர்ந்து கொண்ட அவன் தன் கரத்தை வெளியே நீட்டி தழுவிச்செல்லும் காற்றை அனுபவித்தான். பின் மரங்களைக் காட்டி "அப்பா பாருங்கோ மரமெல்லாம் பின்னோக்கி அசையுது" என்றான்.

வயதானவரும் புன்னகைத்தவாறே தன் மகனின் வியப்புகளுக்கு தலையாட்டிக் கொண்டிருந்தார்.

எதிர்ப்பக்கத்தில் இருந்த ஜோடிக்கு ஒரே குழப்பம்... என்னடா 25 வயதுப் பொடியன் சின்னப்பிள்ளை போல நடந்து கொள்கிறானே என்று...

குழப்பமும் வியப்பும் ஒருங்கே சேர அவனை தொடர்ந்தும் கவனித்துக்கொண்டு இருந்தது அந்த ஜோடி..

சிறிது நேரத்தில் '' அப்பா பாருங்கோ குளத்தில பறவை நீந்துது என்றான்'' மகிழ்ச்சி பொங்க....

அந்த நேரத்தில் மழை வரவே மழைத்துளிகள் அவன் கைகளில் பட, தன் கண்களை இறுக்கி மூடிக்கொண்டு அப்பா இப்போது மழைத்துளிகள் என்னைத் தொடுகின்றன என்று ஆனந்தத்தில் துள்ளினான்...

இதுக்குமேலும் பார்க்க சகிக்காமல், அந்த ஜோடி பெரியவரிடம் பேச்சு கொடுத்தது..

உங்கள் மகனை நீங்கள் நல்ல ஒரு ஆஸ்பத்திரியில் சேர்த்து ஏன் வைத்தியம் பார்க்கக்கூடாது ? என்று கேட்டது...

''ஓம் நாங்கள் இண்டைக்கு தான் ஆஸ்பத்திரியில் இருந்து வாறம்... என்ட மகனுக்கு இன்று தான் அவனுடைய வாழ்க்கையில் முதன் முதலாக தன் இரு கண்களாலும் உலகத்தைக்காணும் பாக்கியம் கிடைத்திருக்கின்றது'' என்றார்...அந்தப்பெரியவர்

பிறந்திருக்கும் புது வருடத்தில் எதோ நம்மால முடிஞ்ச ஒரு செண்டிமெண்ட் கதையுடன் பதிவுலகத்தை எட்டிப்பார்த்து உங்கள் மனதிலும் கூட நல்ல விஷயத்தை இந்தக்கதை மூலமாக பதித்துச் செல்லலாம் என்ற நப்பாசையில்....படித்து பாதித்த இந்தக்கதை சொல்லும் படிப்பினை:

''எந்த ஒரு விஷயத்தையும் முற்றுமுழுவதாய் அறிந்து கொள்ளாமல் முடிவுக்கு வராதீர்கள்''

'கதை' மனதை எதோ பண்ணுதில்ல?

இத இத இதத்தான் உங்ககிட்ட இருந்து நான் எதிர்பார்த்தேன்....

வர்றேன்..

(வடிவேல் கொடுத்த ட்ரைனிங் ஹி....ஹி...)

Titanic சாதனையை தகர்க்கவரும் சினிமாவின் புது அவதாரம் - AVATAR

2009-12-11T06:56:00.000-08:00

பிரம்மிக்க வைக்கும் தொழிநுட்ப விருந்தின்றி நீண்ட நாட்களாக வாடி வறண்டு வற்றிப்போய் இருக்கின்ற கண்களுக்கு முப்பரிமாணவிருந்து படைக்க தயாராகிக்கொண்டிருக்கிறது 'அவதார்'.

டிசம்பர் 18 - என்னதான் இந்த திகதி வேட்டைக்காரன் திரைப்படத்தை ஞாபகப்படுத்தினாலும், அதிக பட்ச பரபரப்புடன் உலகை ஒரு உலுக்கு உலுக்கத்தயாராகி வரும் AVATAR, வசூல் சாதனைப்படமான
TITANIC ஐ கவிழ்க்கும் திரைப்படமாக அமையும் எனவும் எதிர்பார்க்கப்படுகிறது.

JAMES CAMERON இன் சாதனையை இந்தப்பன்னிரெண்டு வருட காலத்துக்குள் யாரும் முறியடிக்காததால் அவர் அவ(தா)ர் மூலமாக தானே முறியடிப்போம் என கிளம்பிட்டாரோ ?என்னவோ ..

புதுவித சாகச தொழினுட்பங்கள், அவற்றின் ஆழமான பயன்பாட்டை நாம் பொதுவாக JAMES CAMERON இன் திரைப்படங்களில் காணலாம். சிறந்த உதாரணங்கள் THE TERMINATOR - 1984 , ALIENS -1986 , TERMINATOR 2 : JUDGEMENT DAY -1991, TITANIC -1997

அந்தவகையில் இந்த AVATAR உம் தொழிநுட்பத்தில் புதுவித அவதாரமெடுக்கிறது.

இந்த தொழிநுட்ப வேலைகளுக்காகவும் ஏனைய தேவைகளுக்காகவும் என கிட்டத்தட்ட 300 மில்லியன் டொலர்கள் செலவிடப்பட்டுள்ளன. இந்த தாராள செலவை செய்திருக்கும் நிறுவனம் லைட்ஸ் ஸ்ட்ரோம் எண்டர்டெயின்மெண்ட் (LIGHT STORM ENTERTAINMENT). 20TH CENTURY FOX வெளியிடுகிறது .

என்னதான் உத்தியோகபூர்வமாக உலகளாவிய ரீதியில் இது டிசம்பர் 18 வெளிவர இருந்தாலும் நேற்று லண்டனில் பிரிமியர் கட்சிகள் அரங்கேறி விட்டது. படத்தை பார்த்தவர்களிடம் இருந்து நேர் கருத்துக்களை அறியக்கூடியதாகவும் உள்ளது. எனவே ரசிகர்களின் எதிர்பார்ப்புகளை இந்தப்படம் பூர்த்தி செய்யும் என உறுதியாக நம்பப்படுகிறது. இந்த AVATAR , TITANIC பட வசூல் சாதனையை முறியடிக்கும் இந்தப்படத்தின் 3D தன்மை அதற்கான வாய்ப்பினை ஏற்படுத்திகொடுக்கும் என பரவலாக பேசப்பட்டாலும், சாதரணமாக எல்லாத்திரையரங்குகளிலும் இவ்வசதியைஎதிர்பார்க்க முடியாது. எனவே இந்த AVATAR அவதார சாதனை படைக்குமா என்பதை பொறுத்திருந்தே பார்க்க வேண்டும்.

இந்தக்கதையின் சுருக்கம்

கடற்படை நாயகன் 'ஜாக்'குக்கு (சாம் வொர்திங்டன்) ஒரு போரில் காயமடைந்து அவனுடைய இடுப்புக்குக்கீழ் பகுதி செயலிழந்து போன நிலையில், பண்டோரா என்ற 'நவிகள்' வசிக்கும் கிரகத்துக்கு போகும் வாய்ப்பு கிடைக்கிறது. அங்கு வசிக்கும் இந்த நவிகள் மனிதர்களை விட அதியுயர் சக்தி படைத்தவர்கள். அவர்களையும் அந்தக் கிரகத்தையும் ஆராய்ச்சி செய்யும் குழுவில் இணையும் நாயகனுக்கு தனது கால்களை பெற்று மீண்டும் நடமாடத்தக்கதான சந்தர்ப்பமும் அமைகிறது. சாதரணமாக பண்டோரா கிரகத்தில் மனிதர்கள் சுவாசிக்க முடியாது. இதன் காரணமாக மனித DNA கொண்டு நவிகளை உருவாக்கி அந்த கிரகத்துக்குள் நுழையவிட வேண்டிய தேவை ஆராய்ச்சி குழுவுக்கு ஏற்பட இந்தத்தேவை ஜாக்குக்கு புது அவதாரத்தை கொடுக்கிறது.

3 மீட்டர் உயரம், நீலநிற உடல், நீண்ட வால் என ஒரு புதுவித தோற்றத்தை தன் வசப்படுத்திக்கொள்கிறார்.

''The Avatars are living, breathing bodies that are controlled by a human "DRIVER" through a technology that links the driver's mind to their Avatar body ''.

பண்டோரா கிரகத்தின் அழகிலும் புதுமைகளிலும் தன்னை மறக்கும் நாயகன் நவிப்பெண் ஒருத்தியிடம்(நேத்ரி) தன் மனதை பறி கொடுக்கிறான்.

இனி ஜாக் சாயப்போவது எந்தப்பக்கம் மனிதர்கள் பக்கமா ?? நவிகள் பக்கமா ??

படத்தைப்பார்த்து தெரிந்து கொள்ளுங்க. இப்போது முன்னோட்டம் மட்டும் உங்களுக்காக

இந்தப்படத்திலும் காதலின் சாயத்தை இயக்குனர் தொட்டிருப்பதால் TITANIC போலவே அதை சரியான விதத்தில் கொண்டு சென்று இதை மனது மறக்காத ஒரு படைப்பாக்குவார் என்று நம்பலாம்.

இந்தப்படம் ஜேம்ஸ் கமேரோனின் கனவுப்படங்களில் ஒன்று. காரணம் சிறுவயதில் இவர் வாசித்த பல அறிவியல் புனைகதைகள் அவை தந்த பாதிப்புகள் எல்லாவற்றையும் ஒன்று திரட்டி தந்துள்ள படம் தான் இந்த 'அவதார்' என்பதை அவருடைய நேர்காணல்களில் இருந்து அறியக்கூடியதாய் உள்ளது.

TITANIC திரைப்படத்தின் பின் கிட்டத்தட்ட 12 வருடங்கள் இந்தப்படத்துக்காக அவர் தன்னை அர்ப்பணித்திருக்கிறார். அது மட்டுமல்ல இதில் அவர் பயன்படுத்தியுள்ள 3Dடெக்னாலஜி ஹாலிவுட் சினி உலகின் இன்னொரு படி.
அத்தோடு முகபாவங்களை மிகத்துல்லியமாக படம்பிடித்து அதை டிஜிட்டல் உருவங்களோடு ஒன்றிணைத்து, நடிகர்களை கிராபிக்ஸ் காட்சிகளுக்கு இணையாக ஓட விட்டு, நடிக்கவைத்து நிஜம் எது கிராபிக்ஸ் எது என பிரித்தரியாதளவுக்கு தன் கைவண்ணத்தைக் காட்டியிருக்கிறாராம். இந்தப்படத்தில் 40 % உண்மை, 60 % - கணணி வித்தை என்றாலும் படம் பார்க்கும் போது அது தெரியாதளவுக்கு இருக்கவேண்டும் என அதிக சிரத்தை எடுத்து தன் கனவுப்படத்தை வெற்றிகரமாக பூர்த்திசெய்திருக்கும் JAMES CAMERON , இந்தப்படத்துக்கான ஆஸ்கார் கனவுகளோடும் காத்திருக்கிறார்.

நாமும் காத்திருப்போம் படத்தைப்பார்ப்பதற்காக....

இறுதியும் உறுதியுமாய்

2009-12-10T22:05:00.000-08:00

யப்பாடா ஒரு மாதிரி கிளைமாக்ஸ்க்கு வந்தாச்சு

ரப்பரை விட மிக மோசமாக இழுபட்ட இந்த தொடர் பதிவுகளில் இன்று இறுதிக்கட்டமாய்....

பணம்

இந்த ஒன்று தான் தினம் தினம் உலகை கவ்விக்கொண்டிருக்கிறது.

இங்கு எல்லாமே இதை வைத்துதான் தீர்மானிக்கப்படுகிறது.

ஒருவனை மதிக்கவைப்பது .... மிதிக்க வைப்பது இந்தப்பணம்.

எத்தனையோ நல்ல செயல்களில் இருந்து இழி செயல்கள் வரை ஊடுருவும் பணத்தை யாருமே உதறித்தள்ளி விட்டு வாழ்வதென்பது நம் யாராலேயுமே இயலாத காரியம்.

கீதை குறிப்பிடுவது போன்று ...

எதை நீ எடுத்துக் கொண்டாயோ,
அது இங்கிருந்தே எடுக்கப்பட்டது.
எதை கொடுத்தாயோ,
அது இங்கேயே கொடுக்கப்பட்டது.
எது இன்று உன்னுடையதோ,
அது நாளை மற்றொருவருடையதாகிறது.
மற்றொரு நாள், அது வேறொருவருடையதாகும்.

பணத்தின் கதியும் இது தானே.....

பணத்தில் மிதப்பவர்களும் சரி பணம் இன்றிக் கிடப்பவர்களும் சரி... இந்த வாசகம் மொழியப்பட்டது எம் ஒவ்வொருவருக்காகவும் தான்.

மனிதன் தனக்கு எது எதுவெல்லாம் நன்மை பயப்பதாக நினைக்கிறானோ அதையெல்லாம் கடவுளாக்கி பார்க்கும் சிந்தனை கொண்டவன். அதனால் இந்தப் பணத்தையும் கூட அவன் விட்டு வைக்கவில்லை.

இந்தப் பணத்துக்குள் தம்மை தொலைத்து விட்டு எம்மில் பலர் காலம் கடந்து வாழ்க்கையை தேடிக்கொண்டிருக்கிறோம். இந்த யுகத்தில் பணத்தோடு வாழ்க்கை என்பதை விடுத்து வாழ்க்கைகாக பணம் என்ற பக்குவத்தோடு வாழப்பழகிக்கொண்டால்

பணம் - நல்ல நண்பன்

இல்லாவிடின்

பணம் - என்றும் காலன்.

பின் குறிப்பு :

இந்த 'பணம்' தலைப்பில் நான் பதிவிட எண்ணியது வேறு ஆனால் பதிந்தது வேறு. இன்னொரு சந்தர்ப்பத்தில் அந்த எண்ணத்தை நிறைவேற்றக் காத்திருக்கிறேன்.
இனி வரவுள்ள என் பதிவிற்காக நேரம் அதிகம் தேவைப்பட்டதால் இந்த பதிவை சாதாரணமாக முடித்துள்ளேன்.

அடுத்து வரும் பதிவு என்ன ????? முடிந்தால் ஊகியுங்கள் ...காத்திருங்கள்...

என்னது க்ளு வேணுமா ? OK

என்னைப்பார் என் கண்ணைப்பார்

தொடர்வது 'அழகு'

2009-12-06T18:42:00.000-08:00

நீண்ட ஒரு இடைவேளைக்குப்பின்
வந்தியத்தேவன் அண்ணா அறைகூவல் விடுத்திருந்த தொடர் பதிவுத் தலைப்புகளில் மூன்றாவது இன்று களம் காணப்போகிறது...

அழகு

உண்மையில் அழகானவை என்று சொல்லப்படுபவை கண்களால் பார்க்கப்படுபவை அல்ல:அவை மனத்தால் மட்டுமே உணரப்படக்கூடியவை.

இதை இன்னும் தெளிவா சொல்வதென்றால்,

The best and most beautiful things in the world cannot be seen, nor touched ...
but are felt in the heart.
-- Helen Keller

ஆழமா கொஞ்சம் யோசிச்சா இதன் அர்த்தம் புரியும்.

இந்த உலகில் சில உண்மைகள், சில உறவுகள், சில உணர்வுகள் வரையறுக்க முடியாத பெறுமதியோடு... உங்களுக்கு நான் சொல்லத்தேவையில்ல....

என்னைப்பொறுத்தவரை மேலே நான் குறிப்பிட்டது போல

மனதினால் உணரப்படக்கூடியவை மட்டும்தான் உண்மையான அழகோடு வலம் வருபவை.

அன்பு
கருணை
நம்பிக்கை

இந்த மூன்றையும் எந்த கோணத்தில் இருந்து பார்த்தாலும் அதன் நிலை மாறாது. இந்த ஒவ்வொன்றும் ஒவ்வொருவிதமான அழகினை மனதுக்குள் தூவுகின்றன.

உறவுகளுடனான பந்தத்தை உறுதிப்படுத்துவது
-அன்பு

பிற உயிர்களுடன் உயிர்ப்பாய் இருக்கச்செய்வது
-கருணை
இறைவன் என்ற விடைகாணமுடியாத கேள்விக்கு பதிலாய் அமைவது
-நம்பிக்கை
(உங்களுக்குள் உங்களைத்தேடி விடை காண வைப்பது
தன்னம்பிக்கை)

Real beauty is CONFIDENCE in yourself என்று கூட சொல்வார்கள்.

இந்த மூன்றும் யாரிடம் வற்றாத ஊற்றாக இருக்கின்றதோ அந்த மனிதன்தான் இம்மையிலும் மறுமையிலும் உண்மையிலேயே பேரழகன்.

அன்பென்ற மழையில் அகிலங்கள் நனையட்டும்
கருணைக்கடலில் உலக உயிர்கள் கலக்கட்டும்
இறைவன் என்ற முடிவிலியில் பேரானந்தம் நிலைக்கட்டும்

இப்போது எது அழகு என்பதை நீங்களே முடிவு செய்யுங்கள்

அடுத்து தொடர்பதிவின் இறுதித்தலைப்பு ''பணம்'' - எப்ப வரும் எப்படி வரும் என்று சொல்ல முடியாது .. எனக்கு பதிவிட நேரம் கிடைக்கும் போது வரும்....

வரட்டா .....!

AFRO NISHA வா ?A.R.Rஆ ?

2009-09-29T11:31:00.000-07:00

கடவுள் காதல் அழகு பணம் என்றதொடர்பதிவுக்கிடையில்

ஒரு சின்ன பிரேக்(கிங் நியூஸ்)

குறு குறு கண்களிலே என்னை அவள் வென்றாளே

குறு குறு கண்களிலே என்னை அவள் தின்றாளே

இதோ இதோ அவள் எனை பதம் பார்க்கிறாள்

சிறு சிறு பெண்ணிலவே என் துணை ஆவாளோ

சிறு சிறு பெண்ணிலவே என் துயர் தீர்ப்பாளோ

இதோ இதோ அவள் எனை பதம் பார்க்கிறாள்

குறு குறு கண்களிலே என்னை அவள் வென்றாளே

குறு குறு கண்களிலே என்னை அவள் தின்றாளே

இந்தப்பாட்டு தான் இந்த இரண்டு நாளாக என்னை ஆட்கொண்டிருக்கும் பாடல்..

இசையால் சர்வதேசம் தொட்ட இசைப்புயலின் இசையில் கடந்த வாரம் வெளியாகி இருந்த COUPLES RETREAT என்ற ஹாலிவுட் திரைப்படப்பாடல்களில் ஒன்றாக இணையத்தளங்களில் வலம் வந்து கொண்டிருக்கும் இது தொடர்பான சர்ச்சை ஒன்று நிலவி வரும் வேளையில் இந்தப்பதிவு கொஞ்சம் பொருத்தமாவும் இருக்கும் என நினைக்கிறேன். இந்த குறித்த பாடலை தரவிறக்கம் செய்ய இணையத்தில் தேடுதல் வேட்டை நடத்திய போது AFRO NISHA என்ற பெயரே காணப்பட்டது.

http://www.couplesr etreatsoundtrack.com

பாடலை பலமுறை கேட்டும் அந்தப்பாடல் அந்த குறித்த நபரால் பாடப்பட்டது என்பதை நம்பவே முடியவில்லை. காரணம் அந்தக்குரல் இசைப்புயலின் குரலாகவே எனக்குப்பட்டது. மிகுந்த குழப்பத்தில் இன்னும் இன்னும் தேடுதல் வேட்டை நடத்திய போது INDIA GLITZ இலும் அதை உறுதிப்படுத்தினர்.

http://www.indiaglitz.com/channels/tamil/article/50296.html

சரி ..AFRO NISHA . ஒரு பெண் பெயராக இருக்கிறதே என்று அவர் பற்றிய குறிப்புகள் தேடியபோது ஊ..ஹும் ஒரு மண்ணும் கிடைக்கவில்லை. இன்று பாடலை வானலையில் ஒலிக்கவிட்டு பாதி மனத்துடன் நானும் இந்த பாழாய்ப்போன AFRO NISHA பெயரைத்தான் சொன்னனான். சரி பிழையாக இருந்தால் யாராச்சும் நம்ம நேயர்கள் சுட்டிக்காட்ட மாட்டார்களா என்ற ஒரு எதிர்பார்ப்பில்... அதுக்கும் எந்தப்பலனும் இல்லை. குழப்பம் இன்னும் அதிகரித்த நிலையில் முகப்புத்தகத்திலும் இதைப்பற்றி குறிப்பிட்டபோது.. அமீர் இன்னொரு பக்க தேடுதலோடு வந்தார் ''TWITTER இல் பாடகி சின்மை அதை A.R.R பாடியிருப்பதாக உறுதிப்படுத்தினார் என்று. (உள்ளூர ஒரே சந்தோசம்... நம்ம கணிப்பு தப்பாகவில்லை என்று)

http://twitter.com/chinmayi

ஒருவேளை பாடலுக்கு இடையிடையே ஒரு ஆண் குரல் HUM வருகிறது.. அதுக்கு சொந்தக்காரர் தானோ இந்த AFRO NISHA??

எது எப்படியோ பாடலை கேட்டுட்டு நீங்களும் சட்டுபுட்டுன்னு ஒரு முடிவுக்கு வாங்க!

மனிதன் உணர்ந்துகொள்ளும் மனிதக்'காதல்'

2009-09-22T09:51:00.000-07:00

''காதல் காதல் காதல் காதல் போயின் சாதல் சாதல் சாதல்''

என்ற என் மானசீக கவிக்குரு மகாகவி பாரதி மொழிந்தது போல் காதல் வாழ்க்கையினின்றும் போயிடின் வாழும் வாழ்க்கையே சாவைபோல் இருக்கும்.

காதலில்லாதவன் வாழ்க்கை 'சாவாகும் சம்பவமாகிறது'.

காதலுடன் வாழ்ந்து மரித்தவனின் வாழ்க்கை 'வாழும் சரித்திரமாகிறது'!

இதுவரை காலமும் நாங்கள் அறிந்த காதல் வரலாறுகள்தான் எத்தனை அவற்றுள் புதைந்து கிடக்கும் உண்மைகள்தான் எத்தனை எத்தனை....

விதவிதமாய் காதல் வயப்பட்டு காதலை மொழிந்த காதலர்கள் எத்தனை அவர்கள் பொறித்துச்சென்ற (சாகா)சரித்திரங்கள்தான் எத்தனை எத்தனை....

அறியாதவரை அறியும்படித்தூண்டுவதும்....

அறிந்தபின் அதன் வாயிலாகப் பேரின்பம் ஊட்டுவதும்

அது தரும் அனுபவங்கள் வழியே வாழ்க்கையின் பெரும் பகுதியைப்புகட்டுவதும்

காதலன்றி வேறு எதுவாக இருக்கமுடியும்??

மொழி, இனம், மதம் என.... அனைத்தையும் கடந்ததாய் காதல்...(ஆமா இது எங்களுக்கு தெரியாதாக்கும் என்று கேட்கிறீங்களா? பரவாயில்லை... உங்களுக்கு தெரிந்திருந்தாலும் அதைப்பற்றி சொல்லிக்காட்டுவதை இப்பதிவு விரும்புகிறது)

''எல்லாக்கடவுளும் ஏற்றுக்கொள்ளும் ஒரே கடவுள் காதல்''

''எல்லா மதங்களும் ஏற்றுக்கொள்ளும் ஒரே ரத்தம் காதல்''

உள்ளம் கேட்டு, உணர்ந்து ஏற்றுக்கொண்ட பாடல் வரிகள் இவை..

என் மனம் கவர்ந்த வரிகளாயும்...என் வாழ்க்கையில் ஒன்றிப்போன வரிகளாயும்...

கா -'கா'த்திருத்தல் (காதலன்/ காதலிக்காக காத்திருத்தல்)

த - 'த'வித்திருத்தல் (அவன்/ அவள் சொல்லப்போகும் வார்த்தைகளுக்காக தவித்திருத்தல்)

ல் - இ'ல்'லாமற்போதல் (காதலனோடு/ காதலியோடு இருக்கும்போது தன்னிலை மறந்து தனக்குள்ளேயே தொலைந்து இல்லாமற்போதல்)

இது ....ஏதோ ஒரு புத்தகத்திலிருந்து படித்து ரசித்த ஒரு வரைவிலக்கணம்... முகப்புத்தகத்தில் பகிர்ந்துகொண்ட ஒன்றுதான்... மீண்டும் இப்பதிவுக்காக ஞாபகப்படுத்தினேன் .

நிச்சயமாக காதல் பற்றிய பாடம் நடத்துவதற்காக அல்ல இந்தப்பதிவு .. ஆனால் நம் யதார்த்த வாழ்க்கையுடன் ஒன்றிப்போன காதலோடு காதலாக.... கசிந்து கண்ணீர் மல்க வைத்த.... உள்ளம் ஊடுருவிச்சென்ற காதல் பற்றிய வரிகளையும் பகிர்வதற்கே.

ஏதோ நம்மால முடிந்தளவுக்கு ஓரிரு வரிகளை எடுத்துவிட்டு ஆரம்பித்துவைத்தாகிற்று.. இனி இந்தத் தொடர்பதிவில் பின்னூட்டங்களாக தொடரப்போவது உங்கள் வாழ்க்கையில் பொறிக்கப்பட்டிருக்கும் காதல் வரிகள்.

நீங்கள் வடித்த/கேட்ட கவிதைகள், சினிமாப்பாடல்கள் என எதுவாகவும் இருக்கலாம்.... உங்களைப்பாதித்த காதல்வரிகள் பின்னூட்டங்களாய் களைகட்டட்டும்..

பி.கு - அனுபவம் இல்லாதவர்கள் இன்று போய் காதல்கண்ணாடியில் முகம்பார்த்தபின்னர் இங்கு மறக்காமல் வந்து பின்னூட்டுங்கள்..

ஒருமாதிரி 'வந்தி' அண்ணாவின் தொடர்பதிவு-அழைப்புக்கான இரண்டாவது தலைப்பையும் அரங்கேற்றியாச்சு... அடுத்தது என்ன?(அழகு?? பணம் ??) சிறிய இடைவேளையின்பின் தொடரும்... (ச்சே எவ்வளவு முயன்றாலும் இது தொடருது)

தொடர்பதிவு COUNTDOWN ஆரம்பம்

2009-09-21T06:38:00.000-07:00

தொடர்பதிவுகளுக்காக என்னையும் இணைத்துக்கொண்டமைக்கு வந்தியத்தேவன் அண்ணாவுக்கு முதற்கண் எனது நன்றிகளை தெரிவிக்கிறேன்.

http://enularalkal.blogspot.com/2009/09/blog-post_16.html

அவர் கேட்டுக்கொண்டதன் பிரகாரம் அழகு, காதல், கடவுள், பணம் இந்தத் தலைப்புகளில் குளுக்கல்ஸ் முறையில் என்னால் தேர்ந்தெடுக்கப்பட்ட தலைப்பு

கடவுள்

இந்த ஒன்றைத்தான் இன்னமும் 'அடிமுடியின்றி' மனிதன் தேடிக்கொண்டிருக்கிறான்......

சிலருக்கு கடவுள் அன்பாக, சிலருக்கு பணமாக, சிலருக்கு கல்வியாக, இன்னும் சிலருக்கு நம்பிக்கையாக....

இன்னும் சிலர் தங்களுக்குள்ளேயே(பக்குவப்பட்டவர்களாம்) இதை தேடுகின்றனர்... அவரவர் உள்ளங்களை, சூழ்நிலைகளைப்பொறுத்து கடவுள் என்பவர் உயிர்பெறுகிறார்..குறிப்பாக மனிதன் மனதில்.

கடவுளைப்பற்றி கூறும் அளவுக்கு, வரைமுறைப்படுத்தும் அளவுக்கு இவ்வுலகில் யாருக்காவது 'சக்தி' இருக்குமாயின் அவரே இப்புவிதனை ஆழ்பவராக இருப்பார். அப்படி ஒருவரை 'நான்' இதுவரை கேட்டதுமில்லை காணவுமில்லை. நீங்கள்??

நானும் கூட பலமுறை கடவுள் என்பவர் யார் என்ற கேள்வியை பலமுறை எனக்குள்ளேயே கேட்டுப்பார்த்ததுண்டு... விடை.. ஹும்.. ஒருநாளும் கிடைத்ததில்லை...

ஆனால் அவ்வப்போது ஒவ்வொரு காலகட்டத்திலும் உணர்ந்திருக்கிறேன்...

ஆம் கடவுளை நான் உணர்ந்திருக்கிறேன் ...

என் தாய் மூலமாக, தந்தை மூலமாக, நண்பர்கள் மூலமாக, ஆசிரியர்கள் மூலமாக, வழிகாட்டிகள் மூலமாக...

ஏன் சிலவேளைகளில் எதிர்ப்படும் ஊர் பெயரே தெரியாதவர்கள் மூலமாகக்கூட

இப்படி..

சிலவேளைகளில் எங்களுக்குள்ளேயே ஒருகுரல் கேட்கும்.. அதை இப்படி செய்யாதே அப்படி செய் என்று..

(உங்களுக்கும் கேட்டிருக்கா ?-இதத்தான் சிலர் சொல்வீங்க பட்சி சொல்லுதுன்னு)

அதுகூட எம்மை வழிநடத்தும் 'கடவுள்' தானோ என்று பலமுறை நான் எண்ணிக்குழம்பியதுண்டு..

பசித்து வந்த ஒருவனுக்கு புசிக்கக்கொடுத்தவன் கடவுளாகிறான்.. உயிர்போகும் வேளையில் ஒருவனுக்கு உயிரை மீட்டுத்தருபவன் கடவுளாகிறான்..

ஆனால் ஒரு விஷயம் கடவுள் என்ற பெயரை சூட்டியவன் கடவுளை உணர்ந்தானோ இல்லையோ ஆனால் சரியாகவே சூட்டியிருக்கிறான்..

'கட'+ 'உள்' = கடவுள் எல்லாவற்றையும் கடந்தும் எல்லாவற்றுக்குள்ளேயும் இருப்பதைத்தான்

இப்பதம் குறிக்கிறது.(இந்துக்கள் பிரயோகிக்கும் பதம்)

இஸ்லாமிய நண்பர்கள் - 'இறைவன்' என்கிறார்கள்.

உண்மைதான் 'இறை' என்பது நம்பிக்கை. 'வன்' என்பது கடினம்.

அசைக்கமுடியா நம்பிக்கை இறைவன் மீதுள்ளதே இஸ்லாமியர்களிடம் !

கிருஸ்தவ நண்பர்கள் - 'ஆண்டவர்' என்கிறார்கள் 'சகலவற்றையும் ஆழ்பவர்' அல்லது 'ஆண்டாண்டு காலமாய் தம்மை ஆண்டு கொண்டிருப்பவர்' என பொருள்படுகிறது.

ஆண்டவர் என்றும் தம்மை ஆட்சிபுரிந்து வழிநடத்திக்கொண்டிருக்கிறார் என்ற நம்பிக்கையில் கிருஸ்தவர்கள் !

'கடவுள்' என்பது சொற்கள் போன்ற இன்ன பிறவால் வேறுபடுத்தப்பட்டாலும் உணரப்படும் தன்மையால் என்றும் நிலைத்து நிற்கின்றார் என்பது மட்டும் நித்தியம்.

"அவனின்றி அணுவும் அசையாது. அவன் விசையால் அத்தனையும் அசையும்"

ஆனால் மனதை நெருடிக்கொண்டிருக்கும் ஒரே ஒரு கேள்வி..

ஆண் பெண் இந்த இருநிலைகளையும் கடந்தவர் அல்லவா கடவுள் அப்படியென்றால் கடவுளை ஏன் பொதுவாக ஆண்பாலாய் உருவகப்படுத்தியிருக்கிறார்கள் ??

கேள்விக்கான விடையை யோசிப்பதோடு அடுத்த பதிவுத் தலைப்பையும் (காதல், அழகு, பணம் இந்த மூன்றில் ஒன்று) சொல்லிவிட்டுப்போங்க 'ராசா'மாரே 'ராசாத்தி'மாரே!

பழமிருக்கும்... பசியிருக்கும்... பாலிருக்காது

2009-09-16T08:40:00.001-07:00

This is an Email information i got from My well-wisher Sachi(Sachiaynathan) Uncle...Thanks a LOT for sharing with me..

And now im sharing these with U

It's long but very informative so please take some time to read

�

We all think eating fruits means just buying fruits, cutting it and just popping it into our mouths. It's not as easy as you think. It's important to know how and when to eat..

�

What is the correct way of eating fruits?

�

IT MEANS NOT EATING FRUITS AFTER YOUR MEALS! * FRUITS SHOULD BE EATEN ON AN EMPTY STOMACH.

�

If you eat fruit like that, it will play a major role to detoxify your system, supplying you with a great deal of energy for weight loss and other life activities.

�

FRUIT IS THE MOST IMPORTANT FOOD. Let's say you eat two slices of bread and then a slice of fruit. The slice of fruit is ready to go straight through the stomach into the intestines, but it is prevented from doing so.

�

In the meantime the whole meal rots and ferments and turns to acid. The minute the fruit comes into contact with the food in the stomach and digestive juices, the entire mass of food begins to spoil....

�

So please eat your fruits on an empty stomach or before your meals! You have heard people complaining - every time I eat watermelon I burp, when I eat durian my stomach bloats up, when I eat a banana I feel like running to the toilet etc - actually all this will not arise if you eat the fruit on an empty stomach. The fruit mixes with the putrefying other food and produces gas and hence you will bloat!

�

Graying hair, balding, nervous outburst, and dark circles under the eyes all these will NOThappen if you take fruits on an empty stomach.

�

There is no such thing as some fruits, like orange and lemon are acidic, because all fruits become alkaline in our body, according to Dr. Herbert Shelton who did research on this matter. If you have mastered the correct way of eating fruits, you have the Secret of beauty, longevity, health, energy, happiness and normal weight.

�

When you need to drink fruit juice - drink only fresh fruit juice, NOT from the cans. Don't even drink juice that has been heated up. Don't eat cooked fruits because you don't get the nutrients at all. You only get to taste. Cooking destroys all the vitamins.

�

But eating a whole fruit is better than drinking the juice. If you should drink the juice, drink it mouthful by mouthful slowly, because you must let it mix with your saliva before swallowing it. You can go on a 3-day fruit fast to cleanse your body. Just eat fruits and drink fruit juice throughout the 3 days and you will be surprised when your friends tell you how radiant you look!

�

KIWI:Tiny but mighty. This is a good source of potassium, magnesium, vitamin E & fiber. Its vitamin C content is twice that of an orange.

�

APPLE:An apple a day keeps the doctor away? Although an apple has a low vitamin C content, it has antioxidants & flavonoids which enhances the activity of vitamin C thereby helping to lower the risks of colon cancer, heart attack & stroke.

�

STRAWBERRY:Protective Fruit. Strawberries have the highest total antioxidant power among major fruits & protect the body from cancer-causing, blood vessel-clogging free radicals.

�

ORANGE :Sweetest medicine. Taking 2-4 oranges a day may help keep colds away, lower cholesterol, prevent & dissolve kidney stones as well as lessens the risk of colon cancer.

�

WATERMELON:Coolest thirst quencher.. Composed of 92% water, it is also packed with a giant dose of glutathione, which helps boost our immune system. They are also a key source of lycopene - the cancer fighting oxidant. Other nutrients found in watermelon are vitamin C & Potassium.

�

GUAVA & PAPAYA:Top awards for vitamin C. They are the clear winners for their high vitamin C content. Guava is also rich in fiber, which helps prevent constipation. Papaya is rich in carotene; this is good for your eyes.

�

நோ நோ.. சிக்கு புக்கு சிக்கு புக்கு ரயிலே!

2009-09-09T12:49:00.000-07:00

இன்று 09.09.09 இல்

இலங்கையில் இருந்து கொண்டு துபாயில் நடந்த ஒரு விஷயம் பற்றி தான் சொல்லப்போறேன். இனிவரும்காலங்களில் போக்குவரத்து புரட்சிகளில் ஒன்றை நினைவுகூரும் ஒரு நாளாக அதுவும் துபாயில் மெட்ரோ ரயில் விடப்பட்ட நாளாக இன்றைய நாளானது நினைவுகூறப்படும் என்பதை இன்றே நான் கூறுகிறேன்.(ஹி ஹி.. சத்தியமா நான் தீர்க்கதரிசி இல்லை.. தகவல் திரட்டுதரிசி...)

உலகநாடுகள் எதிர்நோக்கி வருகின்ற பிரச்சினைகளில் ஒன்று வாகனநெரிசல்(Traffic Jam). இதிலிருந்து விடுதலை பெரும் நோக்கில் துபாயின் பாரிய போக்குவரத்துத் திட்டங்களில் ஒன்றான Dubai மெட்ரோ- Railway Technology இன் வெற்றிப்படியாக இன்றிலிருந்து சுரங்கப்பாதைகள், பாலங்களில் பயணிக்கின்ற மெட்ரோ அதிவேக ரயில்கள் விடப்பட்டுள்ளன.

இந்த மெட்ரோ ரயில் செல்லும் ரயில்பாதைகள் சில இடங்களில் கட்டடங்களையும் ஊடறுத்து செல்லுமாறு வடிவமைக்கப்பட்டுள்ளமை இதன் இன்னொரு சிறப்பம்சம்.

இந்த ரயிலில் ஜம்னு ஏறி உட்கார்ந்தீங்கன்னு வைங்க ... சும்மா ஒரு மணித்தியாலத்தில் துபாயின் Rashidiva இலிருந்து Jebel Ali வரை(52.1km) ஹாயா போகலாம் 31,999 பயணிகளோட சேர்ந்து. (கரெக்ட் உங்களையும் சேர்த்தா 32,௦௦௦௦௦௦000. கணக்குல நீங்க இவ்வளவு கெட்டிக்காரரா??)

இந்த குறித்த பயணப்பாதையில் சுமார் 29 நிலையங்கள் உள்ளன. அவற்றில் நான்கு சுரங்கப்பாதை வழியில் அமைந்துள. ஆனாலும் இந்த 29 நிலையங்களில் இன்று 10 நிலையங்கள் மாத்திரமே தயார் நிலையில் உள்ளமை குறிப்பிடத்தக்கது.

இந்தப்பயணப்பாதை ரெட் லைன் எனப்படுகிறது. இதே போன்று கிரீன் லைன் எனப்படும் பாதையும் இன்னும் சில நாட்களில் திறக்கப்பட உள்ளது. இது Al Ittihad Square இலிருந்து Rashidiya வரை 22.5km நீண்டு காணப்படுகிறது.

மெட்ரோ ரயில் அமைப்பில் கில்லாடிகளான ஜப்பானியர்கள் தான் இந்த துபாய் திட்டத்தையும் வடிவமைத்து செயற்படுத்தியுள்ளனர்.

இத்தனை சிறப்புகளுடன் புரட்சி படைக்க உதித்த இந்த துபாய் மெட்ரோ ரயிலின் (ரெட் லைன் பாதை ரயிலின்) வெள்ளோட்டம் 09/09/09 இரவு 09 மணி 09 நிமிடம் 09 செக்கனுக்கு...இடம்பெற்றுள்ளது.

இதுல யார் யாரெல்லாம் இன்று பயணித்திருக்காங்கன்னா Sheikh Mohammed bin Rashid Al Maktoum, Vice-President and Prime Minister of the UAE and Ruler of Dubai, மற்றும் அரச குடும்பத்தவர்கள், மந்திரிகள், வியாபார- வணிக பெரும்புள்ளிகள்.

(நாளை எனக்கு வேண்டப்பட்ட ஒருவரும் இதில் பயணிக்கிறார்... ஹி ஹி... அதனால எனக்கும் சந்தோஷமுங்கோ... )

காணக்கிடைத்தவர்கள் பாக்கியசாலிகள். இல்லாவிட்டாலும் கூட பரவாயில்லை நீங்க பாக்கியசாலி தான்.. ஏனென்றால் துபாயில் இருக்கும் பலருக்கு இந்த விஷயமே தெரியாதாம்...இப்ப உங்களுக்கு தெரிஞ்சிருச்சே...

இனி இப்படி ஒவ்வொரு நாட்டிலும் மெட்ரோ ரயில்கள் புழக்கத்துக்கு வந்துவிட்டால்...

யாருமே இனி...." சிக்கு புக்கு சிக்கு புக்கு ரயிலேன்னு" பாட முடியாதே....(ரொம்ப முக்கியம்)

மேலதிக தகவல் பெற ஆசைப்படுவோர் இதை சொடுக்குங்கள்.

http://www.railway-technology.com/projects/dubai-metro/

காணவில்லை!

2009-08-25T06:28:00.000-07:00

யாரை என்று கேட்காதீர்கள்... என்னைத்தான் காணவில்லை சிலநாட்களாய்!

'இரசாயனவியல்' என்மீது இரக்கம் காட்டமாட்டேன்கிறது.

ஆதலால் தயவுசெய்து .... செப்டம்பர் 7வரை யாரும் என்னை தேடாதீர்கள்....

நீங்கள் வந்து ஏமாந்து போவதை என்னால் தாங்கமுடியாது.. அதனால் முன்கூட்டியே அறியத்தந்துவிட்டேன்...பிறகு என்னை திட்டக்கூடாது.... அனைவரையும் மீண்டும் எனது புதிய அகவையில் சந்திக்கிறேன்.

சந்திப்போமா சந்திப்போமா!

2009-08-11T19:16:00.000-07:00

நானும் இந்த பதிவை கடந்த வாரத்திலிருந்து பதிவோம் பதிவோம்னு இருந்து.. முடியாமலே போய்ட்டுது.... சரி... நான் விஷயத்தை மட்டும் சொல்லிட்டு, எனக்கு வந்த அழைப்பிதல் அம்சங்களை அப்படியே கீழே தருகிறேன்.

ஏனைய சில நாடுகளில் இடம்பெறும் வலைப்பதிவாளர்கள் ஒன்றுகூடல் இங்கும் இடம் பெற உள்ளமை நிறைய பேருக்கு தெரிந்திருக்கும். என்றாலும் இந்த செய்தியை எனது வலைப்பூவிலும் பதிந்து அறியத்தருவதில் மகிழ்ச்சி அடைகிறேன்.

வந்தியத்தேவன் மற்றும் லோஷன் அண்ணா(தொலைபேசிமூலமாகவும்) இருவரும் அன்போடு அழைத்ததால் மறுக்க முடியவில்லை.

(தொலைபேசி மூலமாக தொடர்புகொண்டு விசாரித்த ஏனைய நண்பர்களுக்கும் நன்றி!)

சில நாட்களாக பலதரப்பட்ட வேலைகளில் முழ்கி முக்குளிப்பதால்.. நேரம் ஒதுக்குவது கொஞ்சம் கஷ்டமாக உள்ளது. இவற்றுக்கிடையில் சக்தி சூப்பர் ஸ்டார் தயாரிப்புப்பணி வேறு... என்றாலும் நாளை வணக்கம் தாயகம் நிகழ்ச்சியை முடித்துவிட்டு... காலை பதினோரு மணியளவில் ஒன்றுகூடலில் கலந்து கொள்ள... சும்மா கில்லினி கில்லினி (கில்லிக்கு பெண்பால் ஹி ஹி... ) மாதிரி வந்து சேருகிறேன்..நீங்களும் வாருங்கள்.

இலங்கைப் பதிவர் சந்திப்பு
காலம் : 23.08.2009 ஞாயிற்றுக்கிழமை .
நேரம் : காலை 9 மணி.
இடம் : கொழும்பு தமிழ்ச் சங்க வினோதன் மண்டபம்,
இல.7, 57வது ஒழுங்கை (ருத்ரா மாவத்தையின் பின்புறம்)
கொழும்பு 06.

நோக்கங்கள் :

இலங்கைத் தமிழ் வலைப்பதிவாளர்களிடம் அறிமுகத்தையும் தொடர்புகளையும்
ஏற்படுத்திக்கொள்ளுதல்.

புதிய பதிவர்களை ஊக்கப்படுத்தி அவர்களுக்கு தேவையான வழிகாட்டல்களை
வழங்குதல்

இலங்கைப் பதிவாளர்களின் திறமைகளை இணையத்தைவிட்டு வெளிக்கொணர முயற்சி
செயதல்.

பதிவாளர்களிடையேயான கருத்துரைகள் அனுபவங்களை பகிர்ந்துகொள்ளுதல்.

பதிவர்கள் எதிர்நோக்கும் பிரச்சனைகள் அல்லது தொழில்நுட்ப
சந்தேகங்களுக்கான வழிமுறைகளை ஆராய்தல்

இன்னும் பல‌..

வலைப்பதிவாளர்கள், புதிதாக வலைப்பதிபவர்கள், வலையுலக வாசகர்கள்,
பின்னூட்டமிடுபவர்கள் என அனைவரையும் அன்புடன் அழைக்கின்றோம்.

மேலதிக விளக்கங்களுக்கும் தகவல்களுக்கும் பின்வருவோரைத் தொடர்பு
கொள்ளவும்.

லோஷன் : arvloshan@gmail.com
புல்லட் : bullettheblogger@gmail.com
வந்தி : vanthidevan@gmail.com
ஆதிரை : caskaran@gmail.com

முழுமையான நிகழ்ச்சி நிரல் அடுத்த வாரம் பிரசுரிக்கப்படும்.

இங்ஙனம்
ஏற்பாட்டுக் குழுவினர்.

பிற்குறிப்பு : மின்னஞ்சலினூடாக பலரை நாம் தொடர்புகொண்டோம் சிலரின்
மின்னஞ்சல் முகவரிகள் எமக்கு கிடைக்கவில்லை ஆகவே தயவு செய்து
மின்னஞ்சலில் இதனைப் பற்றிய தகவல்கள் கிடைக்காதவர்கள் எந்தவித
தயக்கமின்றி எம்மைத் தொடர்பு கொள்ளவும்.

ஏதாவது கருத்துக்கள்,ஆட்சேபணைகள்,ஆலோசனைகள் இருந்தால் தயவு செய்து
தெரிவிக்கவும்.

உங்களுக்கு தெரிந்த வலைப்பதிவாளர்கள், ஆர்வமுள்ளவர்களையும் அழைக்கவும்;
உங்கள் வருகை பற்றி உறுதிப் படுத்தவும்.

யாரையும் தவறவிடக் கூடாது என்பதில் மிகக் கவனமாயுள்ளோம்.. யாராவது
ஆரம்பிக்க வேண்டும் என்பதால் தான் நாங்கள் ஆரம்பித்துள்ளோம்.. எம்முடன்
இணைந்து முன்னெடுக்க ஆர்வமுள்ளோர் வரவேற்கப்படுகிறார்கள்.

உங்கள் வலைத்தளங்களிலும் இதனைப் பிரசுரித்து வருகைகளை அதிகரிக்குமாறு
அன்புடன் வேண்டுகிறோம்..

ATM இன் 'அறிந்தும் அறியாமலும்' பதிவு-பாகம் இரண்டு

2009-08-10T19:17:00.000-07:00

வாழ்க்கையில் சில உண்மைகள் கசக்கத்தான் செய்யும். ஆனா என்ன செய்ய சில பொய்யான விடயங்களும் உண்மை என்ற ரூபத்தில் எமது நாளாந்த வாழ்வில் சேர்ந்தே வருவதால் அவற்றை ஆராய்ந்து பார்க்க நேர அவகாசம் கிடைக்காதபோது அந்த உண்மைத்திரை உடுத்தி வந்த பொய்யையும் நம்ப வேண்டிய நிலையில் இருக்கிறோம்.

உதாரணம் வெகு தொலைவில் இல்லை...

நேற்று நான் பொதுநல நோக்கில் அவசர அவசரமாக பதிந்த பதிவு (அறிந்தகணமே பகிர நினைத்து பதிந்த பதிவு) அதுவும் மின்னஞ்சல் மூலம் பெற்றுக்கொண்ட தகவலின் அடிப்படையில்...

ஹையோ ஹையோ ...என்னத்த சொல்லி என்னத்த செய்ய....

நேற்று அந்தப்பதிவினை தட்டச்சு செய்துகொண்டு இருந்த போதே என்னுள் சில கேள்விகள் எழுந்தன. அதாவது குறித்த 'ரிவேர்ஸ்' இலக்கம் பதியும் தொழிநுட்ப அலாரம் எப்படி ஒரே இலக்கங்களை pin இலக்கங்களாக கொண்டவருக்கு பயன் தர முடியும் ? அதாவது ஒருவர் 1111 என்ற இலக்கங்களை 'pin'ஆக கொண்டிருப்பின் அவருக்கு இந்த நுட்பமுறைமூலம் எந்தப்பலனும் இல்லையே!

அதே போல் 2552 இப்படியான அமைப்புள்ள pin இலக்கச்சொந்தக்காரருக்கும் பயனில்லை இல்லையா ?(நிச்சயம் உங்களுக்கும் இந்த சந்தேகம் எழுந்திருக்கலாம்)

'தெருவிளக்கு' வலைப்பதிவர் 'அஹமட் சனூன்' கூட அந்தப்பதிவின் பின்னூட்டத்தில்

//எப்படி இருப்பினும் எனக்கு ஒரு சந்தேகம்
எனது இரகசிய குறியீட்டிலக்கம் இரண்டு பக்கமிருந்து பார்த்தாலும் ஒரே மாதிரியல்லவோ இருக்கிறது.என்னால் என்ன செய்ய முடியும்//

என குறிப்பிட்டிருந்தார்.

அதேநேரம் இந்த குறித்த அறிவுறுத்தல் பற்றி திருடனேகூட அறிந்திருக்க வாய்ப்புள்ளதே...

இந்த நடைமுறை இலங்கையில் உள்ளதா?

இந்த சந்தேகங்களோடு.... பெற்றுக்கொண்ட தகவல்களின் அடிப்படையில் இதில் உண்மை எது பொய் எது என்று தேடிய சந்தர்ப்பத்தில் நண்பன் பகீரதன்(ஆகாயகங்கை பதிவர்) எனது தேடலை இலகுபடுத்திச்சென்றார். அதிகாலை 5 மணியளவில் இந்த தகவல் பற்றிய பூரண விளக்கத்தை தரக்கூடிய ஒரு இணைப்பினை முகப்புத்தகம் வாயிலாக அறியத்தந்தார்.

அவர் தன்னுடைய நேரத்தை பெரும்பாலும் இணையத்தளத்தில் செலவிடுவதால், குறித்த பதிவிற்கான சந்தேகங்களைத் தீர்க்கும் வகையில் மிகப்பயனுள்ள ஒரு இணைப்பினை எனக்கு அனுப்பியிருந்தார்.

அதை உங்களோடு பகிர்ந்து கொள்ளவேண்டும் என்ற நோக்கமும் ஆவலும் உந்தவே இன்று காலை உங்களிடம் கால அவகாசம் கேட்டிருந்தேன்...

வேலைக்குச்செல்லும் அவசரத்தில்..

இதுவரை நேரம் பொறுமை காத்த நண்பர்கள்... இப்பதிவிற்காக அடிக்கடி இன்று எனது 'வலைப்பூ' பக்கம் எட்டிப்பார்த்த அன்பர்கள் .. அனைவருக்கும் என் நன்றிகள்! (இன்று மட்டும் கிட்டத்தட்ட எனது வலைப்பூவிற்காக 120 வருகைகள்)

www.hoax-slayer.com வலைத்தளத்தில்

http://www.hoax-slayer.com/reverse-pin-ATM.shtml

இந்த இணைப்புக்குரிய வலைத்தளம்.. எனது பதிவிற்கான சந்தேகத்துக்கு மட்டுமின்றி.. தினமும் எமது மின்னஞ்சல் பெட்டிக்குள் வந்து சேரும் பலதரப்பட்ட மின்னஞ்சல்களின் நம்பகத்தன்மை பற்றிய விழிப்புணர்வை ஏற்படுத்தவும் நிச்சயம் உதவும். பார்த்து, வாசித்துப்பயன்பெறுங்கள். இந்தப்பயனுள்ள பதிவினை நான் உங்களுக்குத்தர மறைமுகக்காரணமாய் இருந்த நண்பன் பகீரதனுக்கும் உங்கள் நன்றிகளை தெரிவிக்க மறவாதீர்கள்.

(இந்த வியாழக்கிழமை அருகாமையிலுள்ள ATM கூடத்தில் இதை முயற்சி செய்து பார்க்க இருந்தேன். நல்லவேளை... தப்பிச்சேன் எமது நாட்டில் ஒரு விஷயத்தை செய்தால் அது வேறொரு வினையை அழைத்து வந்திருக்கும்)

கொடுத்த பதிவுத்தலைப்பினை நானே ஒருமுறை வாசித்துப்பார்க்கிறேன்.

ATM இன் 'அறிந்தும் அறியாமலும்'

ஹும்.... 100 வீதம் பொருத்தமாகத்தான் இருக்கு....

ATMஇன் 'அறிந்தும் அறியாமலும்'

2009-08-10T12:06:00.000-07:00

தலைப்பைப்படித்துட்டு இதென்ன ஏதாவது திரைப்படத்துக்கு புதுப்பெயரா இல்லாட்டி அறிந்தும் அறியாமலும் பாகம் இரண்டா ?? இப்படியெல்லாம் ஆர்வக்கோளாருல அவசரப்பட்டு முடிவெடுப்பது மூளைக்கு நல்லதல்ல சொல்லிட்டேன்....

இனி தொடருங்க....

அநியாயங்களும் அவலங்களும் .... அநியாயத்துக்கு நிறைந்து கிடக்கும் இவ்வுலகில்.. அசம்பாவிதங்கள் நேரும்போது அவற்றை பல சந்தர்ப்பங்களில் நாமே துணிந்து,நேருக்குநேர் நின்று போராடியோ, சாமர்த்தியமாக செயற்பட்டோ அவற்றிலிருந்து எம்மை காக்க வேண்டிய கட்டாயத்தில் உள்ளோம்.

பணம் மீதுள்ள மோகம் அதிகரிக்க அதிகரிக்க மோசடிகளும் அதிகரித்துக்கொண்டே வருகின்றன. பல சந்தர்ப்பங்களில் இவற்றை எங்களால் தகர்த்தெறிய முடியாவிட்டாலும், சில சந்தர்ப்பங்களில் அவற்றை சமாளித்து எங்களையும் எங்களது உடைமைகளையும் பாதுகாத்துக்கொள்வதற்கான வழியை அறிந்து வைத்திருப்பது அவசியமாகிறது.

கீழே நீங்கள் காணும் படங்கள்...

ஒரு பிரபல வெளிநாட்டு வங்கி ATM கூட்டுக்குள் நடைபெற்ற உண்மைச்சம்பவம்.

இப்படியான ஒரு நிலை உங்களுக்குகூட நேருவதற்கான வாய்ப்பு இல்லாமலில்லை. (உலகம் போகிற போக்கைப்பார்த்தால் அப்படித்தான் சொல்லத்தோன்றுகிறது).

அப்படி நேருமாயின் அந்நேரத்தில், திருடனோடு வாதாடுவதோ அல்லது உங்கள் எதிர்ப்பைக்காட்டுவதோ உசிதமானதல்ல.

நீங்கள் செய்யவேண்டியதெல்லாம் உங்களுடைய ATM அட்டைக்குரிய pin இலக்கத்தை ரிவர்ஸ் முறையில் அழுத்துவது மட்டுமே.

உதாரணத்துக்கு உங்கள் pin இலக்கம் 1234 ஆக இருப்பின் அதை நீங்கள் 4321 என அழுத்த வேண்டும்.

இப்படிச்செய்யும்போது பணம் பாதி வெளியில் வந்தும் மீதி வராமலும் இருக்கும். அதேகணம் வங்கிக்குரிய பாதுகாப்பு உத்தியோகத்தருக்கும் குறித்த சம்பவம், ஒரு அலாரம் மூலம் அறிவிக்கப்படும்.(pin இலக்கத்தை ரிவேர்ஸ் முறையில் அழுத்தும்போது இந்த தானியங்கிமுறை அலாரம் செயற்படும்விதமாக ஒவ்வொரு வங்கியாலும் ஒழுங்கமைக்கப்பட்டுள்ளது)

எப்படி............??

இப்ப இதை வாசிச்சு மனசுக்குள் மட்டும் வைத்திருக்காமல் முடியுமானவரை இந்த தகவலை உங்கள் அன்பர்களுக்கும், நண்பர்களுக்கும் தெரிவியுங்கள்.

"அறிந்துகொண்டதை பகிர்ந்துகொள்வதன்றி வேறெதிலும் முழுமையான சந்தோஷமும் மனத்திருப்தியுமில்லை" இந்தக்கூற்றோடு உடன்படுவோர் நிச்சயம் செய்வீர்கள் என்ற நம்பிக்கை எனக்கிருக்கு....

'உணர்வாய்' மழை(யை)!

2009-08-09T10:01:00.000-07:00

"மழையே ஓ மழையே புன்னகை தூவுறியே", "வான் மேகம் பூப்பூவாய் தூவும்", "வானமழை போலே புதுபாடல்கள்... கான மழை தூவும் முகிலாடல்கள்" இந்தப்பாட்டுக்கள் எல்லாம் மனதோரம் எட்டிப்பார்த்துச்செல்லும் மழையை நான் ரசிக்கும் நாட்களிலெல்லாம்...

அந்த "மழையின் அழகை கண்டு ரசிக்க இரண்டு கண்கள் போதாது". இது மழை ரசிப்போர் சங்க உறுப்பினர்களின் ஆதங்க வாசகம்.

இயற்கை அன்னை தந்த வரங்களில் இந்த மழையானது மழலைகள் மலைத்து ரசிக்கும் சொர்க்கம். மழலைப்பருவம் கடந்தும்கூட இன்னும் சிலர் அதை மறக்காமல் ரசிக்கிறார்கள் (அந்தப்பட்டியலில் என்னையும் சேர்த்துக்கொள்ளுங்கள்..)

" 'சோ'வென அழுகிறது -மேகத்தின் கருக்கட்டலில் மழைக்குழந்தை " ஏதோ பள்ளிப்பருவ நாட்களில் கிறுக்கிய கவிதை... இப்போது நினைத்தாலும் சிரிப்பு வருகிறது. சில்லென்ற நினைவுகளும் கூடவே.... அந்த நாட்களில், சிறுவயதுசோகங்களை பகிர்ந்து அழும்போது இந்த மழையும் என்னோடு சேர்ந்தே அழுதிருக்கிறது.

கண்கள் எந்தளவுக்கு மழையின் அழகினை ரசிக்கின்றனவோ அந்தளவுக்கு செவிகளும் கூட அதன் ஓசை கேட்டு உள்ளந்தனை லயிக்கச்செய்கிறது.

மழை தரும் ஓசையில் செவிகள் பெறும் அந்த இன்பம் சிலவேளைகளில் காதுவரை கம்பளியை இழுத்துப்போர்த்தியபடி என்னை உறங்கவும் வைத்திருக்கிறது.

நுவரெலியா பிரதேசம் மழையின் உல்லாசபுரி என்பதால்.. அங்கிருந்த நானும் அதன் வருகையை அடிக்கடி அனுபவித்திருக்கிறேன். ஆட்கொள்ளப்பட்டிருக்கிறேன். (ஆனா இப்ப நுவரெலியாவில் காலநிலை மாறிப்போச்சு... அம்மா அடிக்கடி சொல்லும் 'பஞ்ச் இல்லா' வசனம்)

ஹையோடா.... இந்த மழை பற்றி சொன்னா.. சொல்லிக்கொண்டே போகலாம்.... சரி சரி இப்ப இந்த பதிவிற்கான 'கிளைமாக்ஸ்'க்கு வருவோம்.

கீழே உள்ள வீடியோவை நீங்கள் பார்ப்பதற்கு முன்னர்.. அதன் (PLAY)ப்ளே பொத்தானை அழுத்திவிட்டு.. உடனடியாக கண்களை மூடி, சத்தத்தை மட்டும் செவிமடுங்கள். அதன்பின் அந்த சத்தம் எவ்வாறு எழுப்பப்பட்டது என்பதை மீண்டும் அந்த வீடியோவை (PLAY)ப்ளே செய்து பாருங்கள்.

சில உணர்வுகள் வார்த்தைகளால் வர்ணிக்கவியலாதவை. அந்த உணர்வை இந்தப்பதிவு தந்தது என நீங்கள் உணர்ந்திருந்தால் மறக்காமல் உணர்ந்ததை வெளிப்படுத்திச்செல்லுங்கள்.

மயூரனுக்கு 'சுவாரஸ்ய' நன்றி!

2009-08-08T08:46:00.000-07:00

எதிர்பார்க்காத விடயங்கள் எதிர்பார்க்காத நேரங்களில் நிகழும்போது அவை தரும் சந்தோஷங்கள் வார்த்தைகளால் வர்ணிக்கவியலாதவை. அப்படி ஒரு சந்தோஷம் எனக்கு இன்று கிடைத்தது சுவாரஸ்யப்பதிவர்களில் ஒருவரான மயூரனிடமிருந்து!

http://ckmayuran.blogspot.com/

சக அறிவிப்பாளர் மட்டுமன்றி.. நல்ல எழுத்தாற்றலும், ஆர்வமும் உடையவர் மயூரன். புதிய, நடப்பு விடயங்களை தேடி, முந்திக்கொண்டு பிறருக்கு தரவேண்டும் என்ற ஒரு 'வெறி' இவரிடம் உண்டு. அதை "இப்படியொரு வழியிலும்(பதிவிடல்) செய்யுங்கள் அண்ணா" என்ற இந்த சகோதரியின் சிறிய கோரிக்கையை ஏற்று, அதை வழி நடத்தி.... குறைந்த காலப்பகுதியில் சதப்பதிவையும் எட்டி இப்போது இந்த 'சுவாரஸ்யப்பதிவர்' என்ற விருதையும் வென்று... ''யான் பெற்ற இன்பம் பெறுக இவ்வையகம்'' என்ற நோக்கில் அதை பகிர்ந்தளித்துள்ளார் . அந்தப்பகிரலில் என்னையும் இணைத்தமைக்கு அவருக்கு சாதாரண நன்றியெல்லாம் போதாது.... கொஞ்சம் வித்தியாசமாக இருக்கட்டுமே...

எனவே மயூரன்.. உங்களுக்கு என் 'சுவாரஸ்ய' நன்றி!

இலத்திரனியல் ஊடகங்களாக வானொலி, தொலைக்காட்சி இவற்றோடு 'நியூ மீடியா' என்றழைக்கப்படும் இணைய இதழ்கள் கோலோச்சும் இந்நவீன யுகத்தின் இன்னொரு புரட்சியாக 'வலைப்பதிவுகள்' வளர்ந்துகொண்டு வரும் வேகத்தில்,தம்மையும் சேர்த்தே செலுத்திக்கொண்டிருக்கும் வலைப்பதிவாளர்களை ஊக்குவிக்கும் நோக்கில் சுழன்றுகொண்டிருக்கும் 'வலைப்பதிவு விருதுகள்' நிச்சயமாக வரவேற்கத்தக்கவைதான்.

காரணம் எழுத்தார்வமும் ஆளுமையும் கொண்ட ஆர்வலர்கள் இந்த அவசர யுகத்தில் தங்கள் ஆற்றலை வெளிப்படுத்துவதோடு மட்டுமின்றி தொடர்ந்தும் அதை தக்கவைத்து, பிறரையும் ஊக்குவித்து சமூகத்துக்கு ஏதோ ஒரு வழியில் ஒன்றை செய்யத்தூண்டுகிறது.

சாதாரணமாக எழுதத்தொடங்கும் ஒருவன் ஒரு கட்டத்தில் பண்பட்ட பதிவுகளை தொடர்ந்து தரக்கூடிய ஆற்றலை இவ்வலைப்பதிவு விருதுகள் தரும் என்பதில் எந்த ஐயமுமில்லை.

ஆனால் ஒருவிடயத்தை வலைப்பதிவிடும் நண்பர்கள் கவனத்தில் கொள்ள வேண்டும். அதாவது உங்கள் தேடல்கள் மற்றவர்களை சென்றடைந்து அவர்களுக்கு ஏதோ ஒருவகையில் பயனைத்தரும்படியான பதிவுகளை தரவேண்டுமே தவிர...இவ்வகை விருதுகளை பெரும்நோக்கிற்காக மட்டும் உங்கள் பதிவுகளைத்தரக்கூடாது. அதாவது...

"பதிவுகளுக்காகவே விருதேவோழிய... விருதுக்காக பதிவன்று"

என்பதை எப்போதும் உங்கள் சிந்தையில் இருத்திக்கொள்ளுங்கள்.

(இது உங்கள் சகோதரியின் / தோழியின் சிறிய வேண்டுகோள்)

சுவாரஸ்யப்பதிவர் விருதினை பெற்றுக்கொண்ட ரமணன் அண்ணாவுக்கும் http://ramanansblog.blogspot.com/ என்னுடைய மனமார்ந்த வாழ்த்துக்கள்!

மீண்டும் சந்திப்போம் ...சிந்திப்போம் ஒரு சுவாரசியமான பதிவுடன் ( என்ன செய்ய... சுவாரசியப்பதிவர் விருதெல்லாம் கொடுத்துட்டாங்க... இப்ப தான் டென்சனும் கூட... இனி கொடுக்கும் பதிவெல்லாம் வாசிப்போருக்கு சுவாரசியமா இருக்கவேணுமே..)

அந்த 'ஐந்து' நாட்கள்!

2009-08-05T05:19:00.000-07:00

வேலை முடித்து இன்று கொஞ்சம் வேளைக்கே வீட்டுக்கு வந்ததால்.. குஷி மூடில்.. ஒரு குஷியான பதிவு தரத்தீர்மானித்ததன் விளைவு...வந்த மின்னஞ்சலில் இருந்து சுட்ட படங்களை இன்றைய பதிவின் பாத்திரமாக்குகிறேன்.

ஷபா..... இந்த அலுவலகத்துக்கு போய் வேலை செய்வதில் இருக்கும் கொடுமை இருக்கே.... நீங்களும் அனுபவிச்சிருப்பீங்க அதை..அதனால் நான் (அதை) விளக்கத்தேவையில்லை. ஆனா அந்த வார நாட்கள் ஐந்திலும் நாங்க கொடுக்கிற முக பாவம் இருக்கே ... அதை இந்த படங்களை விட வேற எதுவும் இவ்வளவு அப்பட்டமா வெளிப்படுத்த முடியாது. உங்க வயசுக்கேற்ற மாதிரியே முக பாவமும் கீழே!

நம்ம பாஸ் முதல் ரகம்.. நான் இரண்டாவது ரகம்...(பின்ன 30 வயசுக்கு உட்பட்டவங்களுக்கு இரண்டாவது தானே..)

ரொம்ப.............. பிசியா இருந்தா .. நான் கூட இப்படிதான் இருப்பேன்.........

அதனால் என்னை அணுகுவோர்... கொஞ்சம் பார்த்து கவனமா அணுகுங்க... ஹி ஹி

குறித்த நாளுக்கு சரியான முகத்தை பார்த்து மாட்டிக்கொண்டு போகவேணும். இல்லாட்டி கதை கந்தல்.

நல்ல வேளை இப்படி ஒரு பாஸ் .. எனக்கு கிடைக்கல........தப்பினேன்டா சாமி...

பார்த்து சிரிச்சது போதும் ... போய் வேலையப்பாருங்க.... இன்னும் இரண்டுநாள் வேலை செய்யணும்... வார இறுதியில் சந்தோஷமாய் இருக்க...

இப்ப என் உடனடி பிரார்த்தனை என்னவென்றால் ... இத என் 'பாஸ்'(BOSS) மட்டும் பார்க்கக்கூடாது.....

அடுத்த பதிவு என்னவா இருக்கும்??? .... நீங்க யோசிக்கிற Gapல நான் எஸ்கேப் ...