வீரத்தமிழா நீ வாழ்க !

இந்த மாதத்தின்
இறுதிப்பதிவினை
இடுகை இடுவதற்கு எத்தனித்தபோது -

எனக்குள் ஓயாமல் எதிரொலித்துக்கொண்டிருக்கும் ஓர் மடலின் வரிகளும் வாசகங்களும்...... அதன் ஆழத்தை உணர்த்த... பகீரதப்பிரயத்தனதைக்காட்டிலும் உயர்ந்த, யாரும் எளிதில் செய்யத்துணியாத ஓர் வீரச்செயலில் தன்னை ஈடுபடுத்தி...
தன்னை ஓர் வீரதமிழனாய் இம்மண்ணில் விதைத்துச்சென்ற கு.முத்துக்குமார் ... என்னுடைய பதிவின் நாயகனாய் ......


இதோ உனக்காக... இந்த எளியவளின் ஓர் சமர்ப்பணம் .....


கோழைகளை மட்டுமே பார்த்து வரும் இவ்வுலகம் எதிர்பாராமல் எதிர்கொண்ட வீரத்தமிழன் நீ !

தமிழ்த்தாயின் வயிற்றில் பிறந்தமைக்கான அர்த்தத்தினை உணர்த்த உயிர்நீத்த உண்மைத்தமிழன் நீ !

உன் தியாகத்துக்கு முன் நீ வரைந்திட்ட உன் உள்ளக்குமுறல்கள் இவ்வுலகை சற்று உலுக்கித்தான் உள்ளன !

எனவேதான் எல்லா இடத்திலும் இன்று உன் பேச்சு.... (உண்மைத்தமிழர்களின்) மூச்சாய்க்கலக்கத்தொடங்கியுள்ளது !

"அநீதிகளுக்கெதிரான போராட்டத்தில் நம் சகோதர்களும், பிள்ளைகளும் அறிவாயுதம் ஏந்தியிருக்கிறார்கள்.
நான் உயிராயுதம் ஏந்தியிருக்கிறேன்"

என்றாய்....

இத்தனைதூரம் உன் எண்ணத்தில், நீ உறுதியாய் நின்று, உண்மைக்காக போராடியபோது...
நீ பிறந்த அதே தமிழ்த்தாய் வயிற்றில் பிறந்துவிட்டு .....
செயலால் உன்னளவுக்கு இல்லாவிட்டாலும்.... மனதாலும் பிரார்த்தனைகளாலும்
நானும் உன் பயணத்தில்.......!

(இறப்புகள் பல பார்த்தாயிற்று.... தொடரும் இந்த அவலத்தில் இன்னும் எத்தனை பேரோ ???) - See more at: http://www.helperblogger.com/2012/05/add-facebook-like-button-to-blogger.html#sthash.Iax6Jsq8.dpuf